कामरगाव बसस्टँडवरील टाटा एस व इनोव्हा ची जब्बर धडक दोन जण जखमी !!

कामरगाव बसस्टँडवरील टाटा एस व इनोव्हा ची जब्बर धडक दोन जण जखमी !!

वाशिम जिल्हा प्रतिनिधी:दामोदर जोंधळेकर

कारंजा (लाड): कामरगाव बस स्टँडवरील टाटा एस व इनोव्हा ची धडक झाल्याची घटना 1 फेब्रुवारी ला रात्री 9 वाजता कारंजा अमरावती मार्गावरील कामरगाव बसस्टॅंड वर घडली. यात इनोव्हा मधील दोनजण जखमी झाले. सुदैवाने इनोव्हा कारमधील एअर बॅग्ज उघडल्याने संभाव्य जिवीत हाणी टळली. दरम्यान या अपघातामूळे काही काळ या मार्गावरील वाहतूक देखील प्रभावित झाली होती. प्राप्त माहितीनुसार एम एच 37 ए ई 7777 क्रमांकाच्या इनोव्हा कारमधुन दोघेजण अमरावतीहुन वाशिमला जात असताना कामरगाव वरून बाजार आटोपून  कारंजा अमरावती मार्गावर  येणाऱ्या एम एच 37 टी 1911 क्रमांकाच्या टाटा एस ने इनोव्हा कारला धडक दिल्याने हा अपघात घडला. वीरेंद्र देशमुख व भगवान गवळी असे या अपघातात जखमी झालेल्या व्यक्तींची नावे असून , त्यातील पहिला वाशिम येथील व दुसरा रिसोड येथील रहिवासी असल्याची माहिती सुत्रांकडुन प्राप्त झाली आहे. या अपघातात दोन्ही वाहनांचे तसेच टाटा एस मधील भाजीपाल्याचे मोठ्या प्रमाणात नुकसान झाले. या अपघातामूळे काही काळ या मार्गावरील वाहतुक प्रभावित झाली होती. त्यानंतर पोलीसांनी अपघात ग्रस्त वाहने रस्त्याच्या बाजुला करून वाहतुक सुरळीत केली. पुढील तपास पोलिस उप निरीक्षक अर्जुन राठोड यांच्या मार्गदर्शनाखाली पोलीस सहायक उपनिरीक्षक गजानन वानखडे  करीत आहेत.