*तुर चोरी प्रकरणातील तीन चोरांना रीसोड पोलिसांनी ताब्यात घेतले*!!

*तुर चोरी प्रकरणातील तीन चोरांना रीसोड पोलिसांनी ताब्यात घेतले*!!

*वाशिम जिल्हा प्रतिनिधी: दामोदर जोंधळेकर*

*वाशिम* : रिसोड तालुक्यातील कांकरवाडी येथील 31 जानेवारी रोजी रात्री घडलेल्या तुर चोरी प्रकरणी रिसोड पोलिसांनी तीन चोरांना ताब्यात घेतले आहे.याबाबत पोलीस सूत्रांकडून मिळालेली माहिती अशी की, रिसोड तालुक्यातील कंकरवाडी गावातील रहिवासी अंकुश जायभाये यांनी पोलिसांना दिलेल्या फिर्यादीत म्हटले आहे की, ३१ जानेवारी २०२३रोजी त्यांनी आपल्या नातेवाईकाच्या घरी बाहेर ओट्यावर तुरीचे 17 कट्टे ठेवले होते.रात्री 1.30 वाजता त्यांना जाग आला असता तुरीच्या कट्टे असलेल्या ठिकाणी गेल्यावर 3 पोती गायब आढळून आली.  यावर त्यांनी नातेवाइकांना जागे करून चौकशी केली असता जायभाये यांनी त्यांचे कुटुंबीय व नातेवाइकांसह शोध घेतला असता २ वाजेच्या सुमारास एका शेतकऱ्याने त्यांना गावाजवळील हनुमान मंदिराजवळ दोन मोटारसायकलस्वार दिसले असल्याचे सांगितले. शेतकऱ्याने सांगितलेल्या ठिकाणी पोहोचल्यावर त्याला गोपाळ फुपाटे नावाचा व्यक्ती तेथून पळताना दिसला. संबंधित ठिकाणी पाहिल्यानंतर तेथे दोन मोटारसायकली उभ्या असल्याचे दिसून आले.  आणि त्याची तीन कट्टा तुर ज्याची किंमत अंदाजे ₹ 15 हजार आहे तेथेच आढळळी. 112 वर डायल करून ही माहिती पोलिसांना देण्यात आली. आज 1 जानेवारी रोजी सकाळी अंकुश जायभाये यांच्या तक्रारीवरून पोलिसांनी विविध कलमान्वये गुन्हा दाखल करून.कंकरवाडी गावातील गोपाल फुफाटे, भागवत डाखोरे, मनोहर जाधव यांना ताब्यात घेण्यात आले असून पोलीस अधिक तपास करत आहेत.