भरधाव ट्रकने आरोग्य विभागात कार्यरत महिलेला चिरडले!!* *मालेगाव तालुक्यातील मेडशी येथील घटना*

*भरधाव ट्रकने आरोग्य विभागात कार्यरत महिलेला चिरडले!!*

*मालेगाव तालुक्यातील मेडशी येथील घटना*

✍️दामोदर जोंधळेकर

   वाशिम

*वाशिम:-* अकोला- वाशिम राष्ट्रीय महामार्गावरील मेडशी येथील जिल्हा मध्यवर्ती बँके नजीक एका भरधाव ट्रकने शिला दिलीप  कांबळे वय ५४वर्षे या महिलेला जबर धडक दिली.  यामध्ये सदरहू महिला जागीच ठार झाल्याची घटना आज सोमवार दिनांक 30 जानेवारी2023 रोजी दुपारी दीड वाजताच्या दरम्यान घडली.                  प्राप्त माहितीनुसार मेडशी येथील प्राथमिक आरोग्य  वर्धिनी केंद्रामध्ये परिचर या पदावर कार्यरत असलेल्या शिला दिलीप  कांबळे५४हि महिला प्राथमिक आरोग्य केंद्रातुन कामानिमित्त जिल्हा मध्यवर्ती बँकेकडे जात असताना  समोरून अकोला कडून भरधाव वेगात येणाऱ्या ट्रक क्र. एम. पी. ०९ एच .जि. ६९६७ या  ट्रकने शिला कांबळे यांना ट्रकच्या चाकाखाली चिरडले . सदरहू अपघातात शिला कांबळे या महिलेचा जागीच मृत्यू झाला कांबळे ह्या गेल्या पंधरा वर्षां पेक्षा अधिक कालावधी पासून मेडशी आरोग्य वर्धिनी केंद्रात परिचर पदावर कार्यरत होत्या त्यामुळे त्यांचा मेडशी सह परिसरात परिचय होता अत्यंत मनमिळाऊ व संयमी स्वभावाच्या म्हणून त्यांची प्राथमिक आरोग्य वर्धिनी केंद्रासह परिसरात ओळख होती त्यांच्या अपघाती निधनाने गावात सर्वत्र हळहळ व्यक्त करण्यात येत  आहे .शिला कांबळे यांच्या पश्चात चार मुली व एकुलता एक मुलगा व नातवंडे असा परिवार आहे. अपघाता नंतर चालक व ट्रक मालेगाव पोलीस स्टेशनला जमा करण्यात आला असल्याची माहिती पोलिसांनी दिली. पुढील तपास मालेगाव पोलीस करत आहे.