*शिवसेना जिल्हा प्रमुखपदी* *डॉ.सुधीर कव्हर यांचीनियुक्ती !*

*शिवसेना जिल्हा प्रमुखपदी*  *डॉ.सुधीर कव्हर यांचीनियुक्ती !*

*वाशिम जिल्हा प्रतिनिधी:दामोदर* *जोंधळेकर*

*वाशिम* : शिवसेनेचे माजी जिल्हा प्रमुख तथा जिल्हा परिषद सदस्य डॉ. सुधिर कव्हर यांची शिवसेना उध्दव बाळासाहेब ठाकरे पक्षाच्या जिल्हा प्रमुख पदावर नियुक्ती करण्यात आली आहे. तसेच जि.प. अर्थ व बांधकाम सभापती सुरेश मापारी यांच्याकडे जिल्हा समन्वयक पदाचा पदभार सोपविण्यात आला आहे. पक्षातर्फे मुंबई येथून या नियुक्तीची घोषणा करण्यात आली.

डॉ. सुधीर कव्हर यांनी मागील १० वर्षात शिवसेना पक्षावर निष्ठा कायम ठेवुन काम केल्याने वाशिम जिल्हा प्रमुख पदावर नियुक्ती झाल्याचे बोलले जात आहे. वाशीम पासून जवळच असलेल्या तामसी येथील सुधीर कव्हर रहीवाशी आहेत. वाशीम जिल्हा परीषदेचे गटनेते सुध्दा आहेत. जिल्हा परीषदेचे शिवसेनेचे सहाही सदस्य हे शिवसेना उद्धव बाळासाहेब ठाकरे या पक्षासोबत राहीले ह्यापुर्वीसुध्दा सुधीर कव्हर ह्यांनी शिवसेना जिल्हाप्रमुख पदाची जबाबदारी सांभाळलेली असल्याने मागचा अनुभव पाठीशी आहे. जिल्ह्यात सर्वाधीक राजकीय संघर्ष मुख्यमंत्री एकनाथ शिंदे यांच्या बाळासाहेबांची शिवसेना व शिवसेनापक्षप्रमुख माजी मुख्यमंत्री ऊद्धव बाळासाहेब ठाकरे यांच्या शिवसेनेमध्ये यापुढे राहणार आहे. पुढे होणाऱ्या नगर पालीका तसेच पूढील वर्षी होणाऱ्या लोकसभा, विधानसभा निवडणुका पहाता त्यांचेवर मोठी जबाबदारी पडलेली आहे. देशात सर्वाधीक काळ महीला खासदार म्हणून शिवसेना खासदार भावना गवळीकडे बघीतले जाते तसेच जिल्हयाचे पालकत्व संजय राठोड यांच्याकडे आहे. ह्या दिग्गजांसोबतच भारतीय जनता पार्टीशी संघर्ष करावा लागत असल्याने खरा कसोटीचा काळ डॉ. सुधीर कव्हर यांच्यासाठी यापुढे राहणार आहे. तसेच पक्ष बांधणी करणे सुध्दा महत्वपुर्ण ठरणार आहे.