*धान खरेदी ला १ महिन्यांची मुदत वाढ द्या* *आमदार डॉक्टर देवरावजी होळी यांना गडचिरोली भाजपाच्या वतीने निवेदन*

*धान खरेदी ला १ महिन्यांची मुदत वाढ द्या*

*आमदार डॉक्टर देवरावजी होळी यांना गडचिरोली भाजपाच्या वतीने निवेदन*

*तातडीने मेल पाठवून मंत्री महोदयांना मागणी करणार व लवकरच मंत्र्यांची भेटही घेणार आमदार डॉक्टर देवराव जी होळी यांचे शिष्टमंडळाला आश्वासन*

 ✍️मुनिश्वर बोरकर

  गडचिरोली

गडचिरोली:-दिनांक २८/१/२०२३ गडचिरोली

अजून पर्यंत अनेक शेतकऱ्यांच्या धान विक्री व्हावयाची असल्याने शेतकरी धान विक्रीसाठी प्रतीक्षेत असून धान खरेदीची मुदत संपल्याने शेतकरी संकटात सापडलेला आहे. त्यामुळे धान खरेदीची मुदत आणखी १ महिन्याने वाढविण्यात यावी अशी मागणी भारतीय जनता पार्टी  गडचिरोलीच्या वतीने आमदार डॉक्टर देवरावजी होळी यांच्याकडे निवेदनाच्या माध्यमातून करण्यात आली.

यावेळी निवेदन देताना भारतीय जनता पार्टी किसान मोर्चाचे जिल्हा अध्यक्ष तथा जिल्हा परिषदेचे माजी  कृषी सभापती प्रा. श्री रमेशजी बारसागडे, भाजपा तालुक्याचे अध्यक्ष रामरतनजी गोहने  बंगाली आघाडीचे जिल्हाध्यक्ष सुरेशजी शहा,विजयजी खरवडे, पांडुरंगजी समर्थ,  यांचे सहप्रमुख पदाधिकारी व कार्यकर्ते उपस्थित होते.

आपण  या संदर्भात लवकरच मंत्री महोदयांची भेट घेणार असून मुदत वाढवण्यासाठी तात्काळ आपले पत्र मेल द्वारा मंत्रि महोदयांना पाठवून  त्यांना अवगत करणार असल्याचे आश्वासन या शिष्टमंडळाला आमदार डॉक्टर देवरावजी होळी  यांनी दिले.