*माधव दिघोरे यांच्या आमरण उपोषणाला वंचित बहुजन आघाडीचा पाठिंबा*

*माधव दिघोरे यांच्या आमरण उपोषणाला वंचित बहुजन आघाडीचा पाठिंबा*

उपविभागीय अधिका-यांना दिले निवेदन

 गडचिरोली:-वडसा     सावंगी येथिल अन्यायग्रस्त  शेतकरी माधव दिघोरे यांच्या वन हक्काच्या शेत जमिनीवर गाव गुंड असलेले हिवराज सहारे यांनी कब्जा केल्यामूळे गेल्या २० वर्षापासून त्यांच्या उदर निर्वाहाचे साधन हिरावल्या गेले असल्याने अन्यायाच्या विरोधात न्याय मागण्यासाठी उपविभागीय कार्यालय वडसा येथे आमरण उपोषणाला बसले आहेत या मंडपाला वंचित बहुजन आघाडीच्या जिल्हा पदाधिका-यांनी भेट देऊन पाठिंबा जाहिर केले असल्याची माहिती जिल्हाध्यक्ष बाळू टेंभुर्णे यांनी दिली आहे.

          उपोषण मंडपाला भेट दिल्यानंतर वंचितच्या शिष्ठमंडळाने उपविभागीय अधिका-यांची भेट घेऊन निवेदन दिले व सदर प्रकरणाची गांभिर्याने दखल घेऊन माधव दिघोरे यांना न्याय मिळवून द्यावे व प्रकरण तात्काळ निकाली काढण्यात यावे अशी  मागणी केली अन्यथा वंचित बहुजन आघाडीच्या वतिने आंदोलन करण्याचा ईशारा देण्यात आला आहे

       यावेळी वंचितचे महासचिव योगेंद्र बांगरे, जिल्हा संगटक भिमराव शेंडे, युवा नेते चंदू नैताम, जेष्ठ नेते एन आर रामटेके,  जगन बंसोड, उध्दवराव खोब्रागडे, डाकराम वाघमारे, प्रविन रामटेके, भरत मेश्राम, नामदेव मेश्राम, हंसराज लांडगे, अनिल गोंडाने आदि पदाधिकारी व कार्यकर्ते उपस्थित होते.