*देशातील समाजाला एकत्र आणण्यासाठी चार राज्यातून रथ यात्रा*!! *मानोरा येथे पूर्व आढावा बैठक* *सपन्न*

*देशातील समाजाला एकत्र आणण्यासाठी चार राज्यातून रथ यात्रा*!!

*मानोरा येथे पूर्व आढावा बैठक* *सपन्न*

*वाशिम जिल्हा प्रतिनिधी:दामोदर* *जोंधळेकर*

*वाशिम/मानोरा* :  ३ डिसेंबर ला नगारा भूमिपूजन करिता ज्या प्रमाणे समाज बांधव उपस्थित होता त्या प्रमाणे १२ फेब्रुवारी ला देशातील बंजारा समाज पांढऱ्या ध्वज खाली एकत्र यावा उमरी व पोहरादेवी येथील तीर्थक्षेत्र विकास कामाचे भूमिपूजन, सेवालाल महाराज अश्वारूढ पुतळा अनावरण व १३५ फूट उंच सेवा ध्वज स्थापणाचे साक्षीदार होण्यासाठी आपण सर्व या कार्यक्रमाकरिता यावे म्हणून मी आपल्या पर्यन्त आलो आहे असे मनोगत वाशीम जिल्ह्याचे पालकमंत्री संजय राठोड यांनी व्यक्त केले.

श्रीक्षेत्र पोहरादेवी व उमरी खुर्द येथील ५९३ कोटी रुपये विकास कामाचे भूमिपूजन,१३५ फूट उंच सेवाध्वज स्थापणा व सेवालाल महाराज आश्वारूढ पुतळ्याचे अनावरण कार्यक्रम पूर्व आढावा बैठक कार्यक्रम मानोरा येथील माहेश्वरी भवन येथे माजी जी. प. अध्यक्ष दिलीप जाधव यांचे अध्यक्षते खाली संजय महाराज, माजी जी .प.सदस्य भाऊ नाईक, दिलीप महाराज,प्रेमसिंग राठोड, बाबुसिंग नाईक, डॉ श्याम जाधव, डॉ महेश चव्हाण,सरपंच गोविंद चव्हाण, संजय भानावत, अशोक चव्हाण, डॉ. रामराव राठोड, अरुण जाधव आदी मान्यवर मंचकावर उपस्थित होते पुढे बोलतांना राठोड म्हणाले की लोकशात संख्येला खूप महत्व आहे. आपण सर्व समाज बांधव नगारा भुमीपूजन करिता जमलो म्हणून २५ कोटी विकास कामासाठी मिळाले. ते वाढून १६७ कोटी झाले. त्या प्रमाणे १२ फेब्रुवारी एक दिवस समाजासाठी आपण सर्वांनी दिले. व मोठ्या प्रमाणात आपण कार्यक्रमाला हजेरी लावली तर विकास कामासोबत समाजाच्या न्याय मागण्या आपल्या पदरात पडणार आहे. यासाठीच आपण महाराष्ट्र, मध्यप्रदेश, आंध्रप्रदेश व कर्नाटक राज्यातून पांढरे ध्वज लावून रथ यात्रेला सुरवात केली आहे. समाज राज्यच नव्हे देशातील राजकीय समीकरण बदलवू शकते यासाठी सर्वांनी पांढऱ्या झेंड्या खाली एकत्र येण्याची ही एक संधी आहे. यावेळी बाबुसिंग नाईक, भाऊ नाईक, डॉ श्याम नाईक यांनी आपले विचार व्यास पीठ समोर ठेवले संचलन किशोर चव्हाण यांनी केले आभार डॉ. महेश चव्हाण यांनी मानले यावेळी तालुक्यातून मोठ्या संख्येने समाज बांधव उपस्थित होता.