*विहिरीत बुडालेला मृतदेह शोधून बाहेर काढला!!*

*विहिरीत बुडालेला मृतदेह शोधून बाहेर काढला!!*

*वाशिम जिल्हा प्रतिनिधी:दामोदर जोंधळेकर*

मंगरूळपीर तालुक्यातील शेलुबाजार नजिक शेंदूरजना मोरे येथील गजानन सावध वय अंदाजे ५५ वर्ष यांनी दुपारी १ वाजता मजलापुर शिवारातील एका शेतातील विहिरीत विषारी औषध प्राशन करून विहिरीत उडी घेतली. यामध्ये त्यांचा मृत्यू झाला, सदर घटनेची माहिती शेलुबाजार येथील ए.पी. आय. मंजुषा मोरे  पो. स्टे. मंगरूळपीर यांनी श्रीमती. साळुंकाबाई राऊत महाविद्यालय वनोजा राष्ट्रीय सेवा योजना आपत्ती व्यवस्थापन पथकाला  माहिती दिली.

पथकाने घटनास्थळी धाव घेत अवघ्या १ तासात गडाच्या सहाय्याने सदर मृतदेह बाहेर काढला. यावेळी पथकाचे ज्ञानेश्वर खडसे, नामदेव डाळ, प्रविण गावंडे, महेंद्रा वंजारे, आदित्य इंगोले, अनिकेत इंगळे  तसेच ए.पी.आय. मंजुषा मोरे, पो. हे. का. संतोष मनवर, पो. का. गोपाल कव्हर, संदीप खडसे आदि उपस्थित होते. यावेळी मृतदेह बघण्यासाठी गावकर्यांनी एकच गर्दी केली.