*अंगणवाडी सेविकांनी परत केले मोबाईल* !!

*अंगणवाडी सेविकांनी परत केले मोबाईल* !!

वाशिम जिल्हा प्रतिनिधी:दामोदर जोंधळेकर

एकात्मिक बाल विकास सेवा विभागांतर्गत कार्यरत अंगणवाडी सेविकांना शासनाने दिलेले मोबाईल निकृष्ट दर्जाचे असल्याने मालेगाव तालुक्यातील अंगणवाडी सेविकांनी सोमवार दिनांक २३ जानेवारी २०२३ रोजी आयटकच्या नेतृत्वाखाली  मोबाईल वापसी आंदोलन करण्यात आले. यावेळी मालेगाव तालुक्यातील सुमारे शंभर महिलांनी प्रशासनाला मोबाईल परत केले आहेत.

आयटक संलग्न महाराष्ट्र जिल्हा शाखा वाशिम / मालेगाव यांनी हे आंदोलन केले. यावेळी कॉ.डिंगाबर अंभोरे, काॅ सौ, सविता इंगळे, काॅ मालती राठोड, मंगला घुगे, रुपाली तायडे आदींनी महिलांना मार्गदर्शन केले. मालेगाव तालुक्यातील शंभर महिलांनी आपले मोबाईल परत केले आहेत.

अंगणवाडी सेविकांना निकृष्ट दर्जाचे मोबाईल दिले आहेत. त्याची वॉरंटी व गॅरंटी संपलेली आहे.सध्यास्थीतित  अनेक सेविकांचे मोबाईल नादुरुस्त असून त्यांच्या दुरुस्तीचा खर्चही सेविकांनाच करावा लागत आहे. तसेच पोषण ट्रॅकर ॲपमध्ये त्रुटी आहेत. या संदर्भात शासनाला वेळोवेळी निवेदन दिले; परंतु, या निवेदनांची दखल घेण्यात आली नाही. त्यामुळे शासनाचा निषेध नोंदवत एकात्मिक बालविकास विभागाकडे अंगणवाडी सेविकांनी सामुहिक हे मोबाईल एकात्मिक बाल विकास अधिकारी कार्यालय मालेगाव यांच्या कडे जमा करण्यात आले.