जयपाल सिंग मुंडा यांचे हाॅकी खेळात मोलाचे योगदान

जयपाल सिंग मुंडा यांचे हाॅकी खेळात मोलाचे योगदान

माणिक चव्हाण उपमुख्यकार्यपालन अधिकारी रोहयो

 गडचिरोली

✍️मुनिश्वर बोरकर

गडचिरोली:-3 जानेवारी राष्ट्रमाता सावित्रीमाई फुले व संविधान सभेतील सदस्य लेखक, खेळाडू, संपादक, राजनितीज्ञ जयपाल सिंग मुंडा यांचे जयंती निमित्त आदिवासी वसतीगृह पोटेगाव रोड गडचिरोली येथे कार्यक्रमाचे आयोजन करण्यात आले होते. जिल्हा परिषद गडचिरोली चे उपमुख्यकार्यपालन अधिकारी रोहयो श्री माणिक चव्हाण प्रमुख पाहुणे म्हणून उपस्थित होते ते म्हणाले की,1903 साली जन्म झालेले जयपाल सिंग मुंडा 1928 च्या एम्सटर्डम आलिंपिक खेळात भारतीय हाॅकी संघाचे कॅप्टन झाले व त्यांच्या नेतृत्वाखाली एकदाही हरले नाहीत.देशाला सुवर्ण पदक मिळवून दिले.इतक्या कमी वयात त्यांनी मोलाचे योगदान दिले आहे.अभ्यासात अतिशय हुशार होते.15 नोव्हेंबर 2000 ला झारखंड राज्याची निर्मिती झाली आहे पण एकोणीसशे चाळीस च्या दशकात त्यांनी झारखंड या स्वतंत्र राज्याची मागणी केली होती. ते आयसीएस पास होते.आदिवासी समाजासाठी त्यांनी राजकीय मार्ग निवडला.ते संसदेत गेले, संविधान निर्मितीमध्ये त्यांचे योगदान आहे.असे जयपाल सिंग मुंडा यांचे वर भाष्य करताना विद्यार्थ्यांनी प्रेरणा घेऊन स्वतः मध्ये परिवर्तन करावे.असेही ते म्हणाले.अभ्यास कसा करावा व करिअर कसे करावे याचे तपशीलवार मार्गदर्शन केले.या कार्यक्रमात  प्रा.डॉ राम वासेकर यांनी सुध्दा आपल्या सर्वांच्या मध्ये स्वतः चे वेगळेपण व गुणवैशिष्ट्ये आहेत ते ओळखून  स्वतंत्र व्यक्तीमत्व निर्माण करावे. विद्यार्थ्यांमध्ये ज्ञानाची लालसा निर्माण झाली पाहिजे असे मत त्यांनी व्यक्त केले.कार्यक्रमाच्य अध्यक्षस्थानी माजी जिल्हा परिषद सदस्य साहित्यिक तथा आदिवासी सेवक कुसुम ताई अलाम,या.पंकजकुमार ढवळे,या.विश्वजित काळे यांचे मोलाचे सहकार्य लाभले.सूत्रसंचालन व आभार प्रदर्शन विशाल मेश्राम यांनी केले.बहुसंख्येने विद्यार्थी उपस्थित होते.