आश्रम शाळा येडानूर येथे कर्मयोगी संत गाडगेबाबाना अभिवादन व अंधश्रद्धा निर्मूलन कार्यक्रम संपन्

मुनिश्वर बोरकर (गडचिरोली): - अमरसिंग नाईक प्राथ.व स्व. श्री. प्रभाकरराव बिसन माध्य.आश्रम शाळा येडानूर यांच्या संयुक्त विध्यमाने,कर्मयोगी संत गाडगेबाबा यांच्या स्मृतिदिनाचे औचित्य साधून महाराष्ट्र अंधश्रद्धा निर्मूलन समिती गडचिरोली च्या वतीने वैज्ञानिक दृष्टिकोन व चमत्कारा मागील विज्ञान समजून घेण्यासाठी प्रयोगाचे सादरीकरण केले गेले.

 कार्यक्रमाचे अध्यक्ष प्राथमिक आश्रम शाळा येडानुरचे मुख्याध्यापक श्री भाऊराव चव्हाण हे होते. प्रमुख अतिथी म्हणून माध्यमिक आश्रम शाळेचे मुख्याध्यापक श्रीनरेंद्र सालवटकर तर कार्यक्रमाचे प्रमुख मार्गदर्शक मराठा सेवा संघ गडचिरोलीचे माजी जिल्हाध्यक्ष इंजिनीयर पांडुरंग नागापुरे हे होते. वैज्ञानिक जाणीव शिक्षण प्रकल्पाचे राज्य सहकार्यवाहक श्री विलास निंबोरकर यांनी भूत, प्रेत, भानामती, दैवी चमत्कार यामागील खरे कारण काय आहे व बुवा, भोंदू समाजाला कसे फसवतात यावर सविस्तर असे मार्गदर्शन केले.

 शिवाय अंनिसचे जिल्हा कार्याध्यक्ष इंजि. विठ्ठलराव कोठारे यांनी प्रात्यक्षिकाद्वारे नारळातून काळी रिबन काढणे, खाली लोट्यातून पाणी काढणे असे प्रयोग करून दाखवले.अंनिसचे गडचिरोली शहर सहसचिव श्री उपेंद्र रोहनकर यांनी भोंदूबाबा लिंबा  तून रक्त कसे काढतात,जळता कापूर तोंडात कसे घेतात यावर प्रात्यक्षिक करून दाखवले. याप्रसंगी  लोकांचे आर्थिक,शारीरिक शोषण कसे  होते यावर मार्गदर्शन व प्रयोग झाले . 

याप्रसंगी दोन्ही शाळेचे सर्व शिक्षक व शिक्षकेतर कर्मचारी व विद्यार्थी हजर होते. कार्यक्रमाचे संचालन  श्री दयानंद बनकर यांनी केले  तर  श्री. सदाशिव बोकडे यांनी आभार मानले.शेवटी प्रश्नोत्तर  घेऊन विद्यार्थ्यांच्या शंकाकुशंकाचे समाधान करण्यात आले.सदर कार्यक्रमातुन वैज्ञानिक दृष्टिकोन विकसित होण्यास मदत झाल्याची भावना उपस्थितानी बोलून दाखवली.