महापुरुषांची बदनामी करणाऱ्या राज्यपाल भगतसिंग कोशियारी यांची हकालपट्टी करा, सम्राटअशोक सेनेचा इशारा..

 अकोला:-  महाराष्ट्राचे आराध्यदैवत रयतेचे राजे शिवछत्रपती महाराज व राष्ट्रपिता महात्मा फुले, सावित्रीबाई फुले यांच्या बद्दल अपशब्द वापरणे एकेरी उल्लेख करणारे महाराष्ट्राचे राज्यपाल भगतसिंग कोशियारी यांनी अपमान केला. त्या करीता त्यांची महाराष्ट्रातून हकालपट्टी करून महाराष्ट्राला मुक्त करावे अशी मागणी निवेदनातून सम्राट अशोक सेनेच्या वतीने जिल्हाधिकारी अकोला यांचे मार्फत महामहीम राष्ट्रपती यांना निवेदन देण्यात आले.महाराष्ट्राचे आराध्यदैवत छत्रपती शिवाजी महाराज यांचा अपमान करुन त्यांच्या नावाचा एकेरी उल्लेख करून रामदास स्वामी हे नसते तर शिवाजी कुठे घडले असते असे बेताल वक्तव्ये करून या महाराष्ट्राच्या मातीत अठरा जातीचा अपमान केला त्या अपमानाचा संताप प्रत्येक शिवभक्त करीत आहे. 

आमच्या राज्याचा अपमान करणारा राज्यपाल आम्हाला या महाराष्ट्रात  पाहिजे नाही.ज्या पुस्तका मध्ये रामदास स्वामी हे  छत्रपती शिवाजी महाराज गुरु आहे असा उल्लेख असणाऱ्या पुस्तकावर बंदी आणून लेखकावर कार्यवाही करण्यात यावी. अशी मागणी सम्राट अशोक सेनेच्या वतीने  महामहीम राष्ट्रपती यांना मागणी करण्यात आली. अन्यथा राज्यपाल यांचे धोतर सोडण्यात येणार असा इशारा सम्राट अशोक सेनेच्या वतीने देण्यात आला.