*ॲंड.चंद्रकांत वानखडे यांचा सत्कार*

*ॲंड.चंद्रकांत वानखडे यांचा सत्कार*

अकोला : अकोला बार असोसिएशनच्या पदाधिकाऱ्यांचा निवडणुकीत झालेल्या मतदान व मतमोजणी 961 मतदारांनी मतदान केले. या निवडणुकीत मतदान झाल्यानंतर मतमोजणी करून निकाल जाहीर करण्यात आले. यामध्ये  अध्यक्षपदी आंबेडकर चळवळीतील ॲड. चंद्रकांत वानखडे, उपाध्यक्षपदी ॲड. शंकर ढोले, महिला उपाध्यक्षपदी ॲड. कांचन शिंदे तर सचिवपदी ॲड विनय यावलकर विजयी झाले.

अकोला बार असोसिएशनच्या अध्यक्ष, उपाध्यक्ष, महिला उपाध्यक्ष तथा सहसचिव यांचा कार्यकाळ संपल्याने या पदांकरिता निवडणूक घेण्यात आली. या निवडणुकीत अध्यक्षपदासह महिला उपाध्यक्ष व सहसचिवपदासाठी असे एकूण अकरा उमेदवार निवडणूक रिंगणात उभे होते. या निवडणुकीत एकूण 961 सदस्यांनी मतदानाचा हक्क बजावला. त्यानंतर निवडणूक अधिकारी ॲड. उदय नाईक यांनी मतमोजणीला सुरुवात केली.

अध्यक्षपदाच्या लढतीत चंद्रकांत वानखडे यांनी 659 मते घेत विजय मिळविला उपाध्यक्षपदाच्या निवडणुकीत शंकर नामदेव ढोले यांनी संतोष सदाशिवराव गोळे यांचा ५३७ विरुद्ध ४१३ असा पराभव केला.  महिला उपाध्यक्षपदीच्या निवडणुकीत कांचन विजय शिंदे यांनी सर्वाधिक ४२४ घेत विजय मिळविला. सहसचिव पदासाठी झालेल्या निवडणुकीत विनय लक्ष्मीचंद यावलकर यांनी ४५३ मते घेत विजय मिळविला. विजयी झालेल्या उमेदवारांनी न्यायालय परिसरात विजय जल्लोष साजरा केला. ॲड चंद्रकांत वानखडे यांची अध्यक्ष पदी निवड झाल्याबद्दल समाज क्रांती आघाडी चे महाराष्ट्र उपाध्यक्ष बंडु दादा वानखडे, अशोका फाउंडेशनचे संस्थापक अध्यक्ष शुभम पंजाबराव तिडके, परिवर्तन स्वाभिमानी संघटना महाराष्ट्र अध्यक्ष उमेश सुरेशराव इंगळे यांनी त्यांचा पुष्पगुच्छ देऊन  सत्कार केला