ग्रामपंचायत शेळद येथील सरपंच यांनी पदाचा वापर करुन घेतला शासकीय लाभ

ग्रामपंचायत शेळद येथील सरपंच यांनी पदाचा वापर करुन घेतला शासकीय लाभ

अकोला - ग्रामपंचायत शेळद येथील नागरीक असुन पंतप्रधान आवास योजनेच्या ड यादी मध्ये अकोला नाका परीसरातील नागरिकांची नावे वगळण्यात आलेले आहेत. यासंदर्भात ग्रामसभेत सरपंच सचिव यांना प्रश्न विचारले असता उडवा उडवीचे उत्तर देऊन सभा तहकुब करण्यात आली.

व यानंतर आमच्यापैकी काही नागरीकांनी आतापर्यंत ग्रामपंचायत शेळद येथे पंतप्रधान आवास योजना तसेच रमाई आवास योजनांच्या माध्यमातून किती नागरिकांना घरकुलाचा लाभ मिळाला याची माहिती घेतली असता असे निदर्शनास आले की, शेळद येथील सरपंच सागर सुखदेव उपर्वट यांनी 2017 च्या पंतप्रधान आवास योजनेतून स्वतः  घरकुलाचा लाभ घेतला आहे. तसेच त्यांच्या कुटूंबातील त्यांचे वडील व दोघे भाऊ यांचे देखील घरकुल त्यांनी पदाचा वापर करुन मंजूर करुन घेतलेले आहेत तसेच जे खरे गरजु नागरीक आहेत त्यांना वगळून स्वत:चा
फायदा करुन घेतला आहे व त्यात अत्यंत गंभीर बाब अशी की, त्यांनी पी एम आवासची रक्कम उचलली आहे. त्यात घराचे बांधकाम न करता ते पैसे काढले आहेत व ऑनलाईन ॲप वर चेक केले असता लेंटर लेवल पर्यंत बांधकाम केलेले आहे तशी नोंद ही रोजगार हमीच्या रेकॉर्ड मध्ये नसल्याची देखील माहिती आहे.

त्यांनी सरपंच पदाचा वापर करुन शासकीय लाभ घेतलेला आहे हे सर्व बेकायदेशीर असुन या प्रकरणाची सखोल चौकशी करण्यात यावी ही विनंती व असे गैरप्रकार टाळण्यासाठी सरपंचावर कार्यवाही करण्यात यावी आपल्या केलेल्या चौकशी अहवालाची एक प्रत आम्हाला देण्यात यावी ही विनंती.अश्याप्रकारे अशोका फाउंडेशनचे संस्थापक अध्यक्ष शुभम पंजाबराव तिडके व सचिन गोतमारे यांनी मुख्य कार्यकारी अधिकारी यांना दिलेल्या निवेदनात म्हटले आहे