मारेगाव पोलीस स्टेशन मध्ये होणार वाहनांचा लिलाव..

आशिष साबरे (वणी-विभागीय-प्रतिनिधी) :-  गेल्या अनेक वर्षा पासून अपघातात डिटेन असलेल्या ५६ वाहनाचा जाहीर लिलाव पोलीस स्टेशन मारेगाव येथे ६ ऑगस्ट रोजी सकाळी ११.०० वाजता करण्यात येणार आहे.मारेगाव तालुक्यात वेगवेगळ्या अपघातातील ऐकून ५६ वाहने मारेगाव पोलीस स्टेशनमध्ये डिटेन केलेली आहे.जमा असलेल्या वाहनांवर या वाहन मालकांनी आजपर्यंत आपला मालकी हक्क सिध्द केलेला नाही. पोलीस स्टेशन मध्ये नोंद असलेल्या यादीतील वाहने ज्यांची असेल त्यांनी आपल्या वाहनाचे मूळ कागदपत्रे दिनांक ३ ऑगस्ट २०२१ पर्यत पोलीस स्टेशनमध्ये सादर करून वाहने आपल्या ताब्यात घ्यावी अन्यथा त्यानंतर सदर वाहनांवर कोणीही आपला मालकी हक्क दाखविल्यास तो ग्राह्य धरल्या जाणार नाही.असेही आवाहन ठाणेदार जगदीश मंडलवार यांनी केले आहे.

या वाहनाचा जाहीर लिलाव ६ ऑगस्ट रोजी सकाळी ११.०० वाजता पोलीस स्टेशनमध्ये करण्यात येणार आहे.करिता या जाहीर लिलावा मध्ये परिसरातील जास्तीत जास्त नागरिकांनी सहभागी व्हावे व या जाहीर लिलावाचा लाभ घ्यावा असे आवाहन ठाणेदार जगदीश मंडलवार यांनी केले आहे.