मार्डी येथे दारू दुकानावर धाड ४० लाखापर्यंत  देशी  दारू जप्त 

एस पी पथकाची कार्यवाही ७ आरोपीना  अटक 

वणी:  कोरोना काळात विदेशी दारु विक्री करणा-या मार्डी येथील दारु दुकानावर पोलिस अधिक्षक  यवतमाळ यांना मिळालेल्या गुप्त माहितिच्या आधारे बुधवारी१४ एप्रिल रोजी रात्री ७-३० वाजतेच्या दरम्यान धाड  टाकुन ४० लाख ६० हजार रुपयाची देशी-विदेशी दारु सह ३ लाख ४० हजार रुपयाची रोख जप्त करीत सात आरोपींना अटक केली आहे. ही कार्यवाही ८ते ९ तास चालली.

          कोरोनाच्या काळात लॉकडाऊन मध्ये जिल्हात दारू विक्री बंदचे आदेश असताना  मार्डी येथे अवैध पणे दारू विक्री होत असल्याची गुप्त माहिती जिल्हा पोलीस अधीक्षक डॉ. दिलीप पाटील भुजबळ यांना मिळाली असता  त्यांनी  सायबर सेल व एलसीबीच्या पथकाना सूचना देऊन १४ एप्रिलच्या रात्री ९ वाजता दरम्यान तालुक्यातील मार्डी येथील जयस्वाल यांच्या मालकीच्या देशी विदेशी दारू दुकानावर धाड टाकली. या धाडीत बंदच्या काळात दारू दुकान सुरु असल्याचे दिसून आले या धाडीत ४० लाख ६० हजार रुपयाची देशी विदेशी दारू जप्त केली.तर तपासात तीन लाख ४० हजार रोख जप्त करण्यात आले. 
           
ही दारु विक्रीची आतापर्यंतची जिल्हा पोलीस दलाची ही सर्वात मोठी कारवाई आहे. लॉक डाऊन च्या तोंडावर ही कार्यवाही झाल्याने तालुक्यात दारू तस्करी करनारे धास्तावले आहे  
या कारवाईत आरोपी वेदांत जयस्वाल (१९) रा.मार्डी, वैभव रस्से (२१)रा.पिसगाव, अविनाश नगराळे (२८)रा.गोंडबूरांडा,मंगेश अडसकर (२१)रा.पिसगाव,अविनाश पाटील (२६) रा.मार्डी, मुकेश कांबळे (३५)रा.मार्डी, व एक विधी संघर्ष बालक असे सात आरोपीना अटक केली आहे.

     या आरोपीवर महाराष्ट्र दारू बंदी कायद्या अंतर्गत व कोविड -१९ च्या अंतर्गत कारवाई करण्यात आली आहे. ही कारवाई जिल्हा पोलिस निरिक्षक प्रदीप परदेशी यांचे मार्गदर्शनात सायबर सेल व एलसीबी पथकाचे पो.नि.किशोर जुंनघरे,स.पो.नि.अमोल पुरी,पोउपनी.योगेश रंधे,पो.ना.कविष पालेकर,बबलू चव्हाण,उमेश पिसाळकर,पंकज पातूरकर, पो.कॉ. सुधीर पिदूरकर,सलमान शेख,शहजाद शेख यांनी केली.असेच दारू विक्रीचे सूत्र इतर ठिकाणी सुरु असल्याचे चोरटया आवाजात बोलें जात आहे.