आपसी वादातून झालेल्या हल्लात दोन जखमी..!

राजुरा येथील घटना; माजी नगरसेवकसह अन्य एक जखमी

श्रीकृष्ण गोरे  (राजुरा): कोरोनामुळे अनेकांच्या व्यवसायावर कुऱ्हाड कोसळली असताना लॉकडाऊन शिथिल होताच प्रत्येक व्यावसायिक पोटाची खळगी भरण्यासाठी प्रयत्न करीत असताना आज (दि. २६) सायंकाळी ६ वाजताच्या सुमारास रामपूर हद्दीतील बाजार समिती समोर असलेल्या चिकन मटण दुकानात झालेल्या वादात माजी नगर सेवक विलास जंगळुजी तुम्हाने (वय ४५) व तनिस गजानन दुर्गे (वय १६) जखमी झाले असून दोघांना  चंद्रपूर येथील जिल्हा ग्रामीण रुग्णालयात दाखल करण्यात आले आहे.

प्राप्त माहिती नुसार तनिस दुर्गे यांचे चिकन चे दुकान रामपूर येथे बाजार समिती समोर आहे, माजी नगर सेवक विलास तुम्हाने यांचे दुर्गे सोबत मतभेद असल्याने सायंकाळच्या सुमारास दुर्गे यांच्या दुकानात जाऊन वाद घातला असता विलास यांनी तनिस यांच्यावर सत्तूर ने वर केला यात तनिष जखमी झाला, मात्र जवळच तनिष चा असलेला भाऊ जतीन (वय२१) याने आपल्या भावाला मारले म्हणून जतीन याने विलास तुम्हाने यांच्यावर सत्तूर ने वर केला यात तनिष व विलास जखमी झाले असून दोघांनाही चंद्रपूर येथील ग्रामीण रुग्णालयात दाखल केले असून पुढील तपास राजुरा पोलीस करीत आहे. राजुरा शहरात गुन्हेगारीचे प्रमाण वाढले असून यावर वेळीच अंकुश न लावल्यास गुन्हेगारीच्या घटना अधिक वाढत राहणार असल्याने पोलिसांसमोर आव्हान राहणार आहे.