दोन मोठ्या अस्वलींसह त्यांची दोन पिल्लं कटघरे नसलेल्या विहिरीत पडून मृत्युमुखी..

चंद्रपूर : दोन मोठ्या अस्वलींसह त्यांची दोन पिल्लं कटघरे  नसलेल्या विहिरीत पडून मृत्युमुखी पडल्याची घटना 29 एप्रिल गुरुवार रोजी उघड झाली . ताडोबाच्या बफर झोनलगत असलेल्या वाढोली येथील शेतात ही विहीर आहे. रात्रीच्या सुमारास अस्वलांचं हे कुटुंब या विहिरीत पडलं असावं, अशी शक्यता व्यक्त केली जात आहे .

शेतात काही लोक गेले असतांना  त्यांना हे दृश्य पाहवयास मिळाले . ताडोबा मध्ये पिण्याच्या  पाण्याचा शोध घेत नेहमीच प्राणी जंगलाबाहेर पडतात. पाण्याच्या शोधात फिरत असतानाच ही घटना घडल्याची शक्यता अधिकारी वर्तवत  आहे. वनपथक घटनास्थळी दाखल झाले व त्यांनी चारही मृतदेह बाहेर काढले असून त्यांच्या मृत्यू नेमका  कशा मुळे झाल्या त्यासाठी वैद्यकीय चाचणी साठी चंद्रपूर ला आणले आहे.