सुंगधीत तंबाखू बाळगणारे दोघे अटकेत

वणी : शहरात गस्त घालत असतांना डीबी पथकाला वणी यवतमाळ रोडने सुगंधित तंबाखाची वाहतूक होत असल्याची गुप्त माहिती मिळाली. डीबी पथकाने यवतमाळ रोडवर गस्त घातली असता मोपेड दुचाकीने दोन इसम पांढऱ्या रंगाच्या बोरीत सामान घेऊन येतांना दिसले. पोलिसांना या दोघांवर संशय आल्याने पोलिसांनी दुचाकी थांबवून त्यांची चौकशी केली. तसेच बोरीतील सामानाची तपासणी केली असता त्यामध्ये प्रतिबंधित सुगंधित तंबाखाचे ४० डब्बे आढळले.

पोलिसांनी सुगंधित तंबाखाची तस्करी करणाऱ्या कमर अली दौलत अली (३८) रा. आंबेडकर वार्ड मारेगाव व विक्रांत भास्करराव सुत्रावे (४८) रा. रंगारीपुरा या दोघांना ताब्यात घेऊन त्यांच्या जवळून सुगंधित तंबाखाचे २०० ग्राम वजनाचे ४० डब्बे किंमत २९ हजार ४३५ रुपये व दुचाकी किंमत ५० हजार रुपये असा एकूण ७९ हजार ४३५ रुपयांचा मुद्देमाल जप्त केला. 

 पोलिसांनी दोन्ही आरोपींवर अन्न सुरक्षा मानके कायदा २००६ व भादंवि च्या कलम १८८ नुसार गुन्हा दाखल केला आहे. 

सदर कार्यवाही उपविभागीय पोलिस अधिकारी संजय पुज्जलवार यांच्या मार्गदर्शनात ठाणेदार वैभव जाधव, डीबी पथक प्रमुख गोपाल जाधव, डीबी पथकाचे सुदर्शन वानोळे, सुधीर पांडे, सुनिल खंडागळे, हरिन्द्रकुमार भारती, पंकज उंबरकर, दिपक वान्ड्रूसवार यांनी केली.