दोन गटात तुंबड हानामारी..

स्मशान भूमी वणी येथील घटना, अंत्यविधीसाठी आलेले काही व्यक्ती गंभिर जखमी.. 

वणी: शहरातील स्मशान भुमि (सतिघाट) येथे अंत्यविधीला आलेल्या आणी परिसरातील काही युवकांत तुफान हाणामारी झाली असुन यामध्ये काही लोक  गंभीर जखमी झाल्याची माहिती समोर आली आहे.
शहरातील रंगनाथ नगर परिसरामध्ये एका २५ ते २६ वर्षीय महिलेचा मृत्यू झाला होता, त्या मृत्युदेहावर आज धुलीवंदनाच्या दिवशी येथिल मोशधाम वर('सतीघाट' स्मशानभुमि ) अंतिम संस्कार करण्याकरीता दुपारी २ वाजताचे सुमारास मृतकाचे नातेवाईकांसह परिसरातील काही लोकं आले होते. या दरम्यान तेथे उपस्थित असलेल्या युवकांमध्ये शुल्लक कारणावरून वाद निर्माण झाला, हा वाद येवढा विकोपाला गेला की, परिसरातील काही मंडळी लाठ्या काठ्या घेऊन आले व अंतीम संस्कार करण्याकरीता आलेल्या लोकांवर हल्ला चढवला या वेळी अंतिम संस्कार करण्याकरीता आलेल्या लोकांत आणी परिसरातील काही युवकांत दगड फेक व लाठ्या काठ्यां सह तुफान हाणामारी झाली. यावेळी दोनही गटाकडील सदस्य गंभिर जखमी झाले. या घटनेची माहिती वणी पोलीसांना मिळताच पोलिस पथक घटनास्थळी दाखल झाले असुन परिस्थिती नियंत्रणात आली आहे.

सतिघाट स्मशान भुमि येथे ‌रिकामटेक व दारुड्यांची दहशत

स्मशान भुमि (सतिघाट)येथे काही रिकामटेकडे, दारुडे आणी जुवारी युवकांचा नेहमीच गराडा पहायला मिळत असून याबाबत या आधी तक्रारी सुद्धा केल्या आहे. काही युवकांची या भागात दहशत असल्यामुळे व मारहाणीच्या भितीने कोणीही तक्रार करण्यास धजावत नव्हते, परिनामी या परिसरातील युवकांची चांगलीच दहशत निर्माण झाली आहे.