चंद्रपूर तालुक्यातील उसगाव वासीयांनी रोखली ट्रक द्वारे होणारी कोळशाची वाहतूक..!

देवानंद ठाकरे (घुग्घुस प्रतिनिधि): चंद्रपूर तालुक्यातील उसगाव गावातील नागरिकांनी गावातून ट्रक द्वारे होणारी कोळशाची वाहतूक रोखून धरली.मुंगोली पैनगंगा ते उसगाव कोल वाशरीज व शेणगाव फाटा ते उसगाव कडे जाणाऱ्या गावातील रस्त्यावरून कोल वाशरीज व वेकोलीच्या कोळशाच्या ट्रक मोठ्या प्रमाणात जात आहेत. तसेच गावात ट्रक ची पार्किंग होत आहे. त्यामुळे गावातील नागरिकांमध्ये भीतीचे वातावरण निर्माण झाले असून ये जा करण्यासाठी मोठा त्रास सहन करावा लागत आहे.तसेच वाहतुकीमुळे मोठ्या प्रमाणात प्रदूषण होत असून नागरिकांना श्वसनाचे त्रास होऊ लागले आहे.

त्यामुळे या रस्त्यावरून जड वाहतुक बंद करण्यात यावी,कंपनीत येणारे जड व इतर वाहनांसाठी वेगळी पार्किंग ची व्यवस्था करण्यात यावी,यासह इतर मागण्यांना घेऊन आज उसगाव येथील नागरिकांनी कोळशाची वाहतूक करणारे ट्रक रोखून धरले.त्यामुळे काही काळ तणावाची परिस्थिती निर्माण झाली होती. त्यामुळे पोलिसांनी घटनास्थळी धाव घेतली. व दंगा नियंत्रण ला पाचारण करण्यात आले. यावेळी सरपंच निविता ठाकरे,उपसरपंच मंगेश आसुटकर, वर्षा बोन्द्रे,यमुना राजूरकर यांच्यासह गावातील नागरिकांची मोठ्या संख्येने उपस्थिती होती.