पद्मश्री डॉ सिंधुताई सपकाळ ह्यांना सामाजिक संस्था व संघटनांची श्रद्धांजली

भारतीय वार्ता : अनाथांची माय, अवघ्या महाराष्ट्राची माई म्हणून परिचित असलेल्या थोर समाजसेविका डॉ सिंधुताई सपकाळ ह्यांचे दिनांक 4 ला पुणे येथील ग्यालक्सी रुग्णालयात वयाच्या 75 व्या वर्षी हृदयविकाराच्या तीव्र झटक्याने दुःखद निधन झाले,यवतमाळ येथील सामाजिक संस्था व संघटनांच्या वतीने स्थानिक जेष्ठ नागरिक भवन येथे श्रद्धांजली व शोकसभेचे आयोजन करण्यात आले.

ह्यावेळी सामाजिक संस्था व संघटनांचे समन्वयक प्रा घन:श्याम दरने ह्यांनी प्रस्ताविकातून माई बद्दलचे आपले विचार मांडून श्रद्धांजली अर्पण केली,परिसरातील जेष्ठ व्यक्तिमत्व पुष्पाताई नागपुरे ह्यांनी सिंधुताई बद्दलचे आपले वैयक्तिक संबंध व त्यांच्या विचारसरणी बद्दल सांगून आपले श्रद्धांजली पर मनोगत व्यक्त केले, शोकसभेच्या अध्यक्षीय मनोगतात टोंगो सरांनी माई बद्दलच्या आपल्या भावना व्यक्त करून श्रद्धांजली अर्पण केली, शोकसभेचे सूत्र संकल्प फाउंडेशन चे अध्यक्ष प्रलय टिप्रमवार ह्यांनी सांभाळत संकल्प फाउंडेशन च्या वतीने माई सिंधुताई ना श्रद्धांजली वाहिली,ह्यावेळी उपस्थित सामाजिक संस्थेच्या प्रतिनिधीनी मेणबत्ती प्रकाशमान करून श्रद्धांजली अर्पण केली.

ह्यत प्रामुख्याने, समाजसेवक व विमा।अधिकारी अनंत कौलगीकर,संकल्प फाउंडेशन चे वसंत शेळके,विनोद नराळे,अनिल तांबेकर,रवी माहुरकर,विनोद दोंदल,बालू उर्फ दिलीप काळे,प्रणय बद्दमवार, ठोंबरे,राहुल दाभाडकर,संकल्प वनिता वाहिनीच्या,निकिता बाविस्कर,काश्यपी दोंदल,पूजा बाविस्कर,नंदादीप फाउंडेशन चे संदीप शिंदे,दीपक सुकळकर, निस्वार्थ सेवा फाउंडेशन चे,परशुराम कडू,अनिकेत नवरे,प्रवीण इंझाळकर, तसेच ऍड हर्षल राठोड, डॉ. दीपक शिरभाते व परिसरातील नागरिक उपस्थित होते