विद्यापिठाने पी.एच.डी प्रवेश परिक्षेचे अर्ज स्वीकारण्याची तारीख वाढवावी

भाजपा जिल्हाउपाघ्यक्ष सुरज पेदुलवार यांची मा. कुलगुरू यांच्याकडे मागणी

चंद्रपूर: कोरोनामुळे सध्या विविध समस्या निर्मान झाल्या आहेत. शैक्षणिक क्षेत्रात त्यामुळे विद्यार्थानां अनेक अडचनिंचा सामना करावा लागत आहे. तरी विद्यार्थांसमोरील समस्या मा.आ.सुधीरभाऊ मुनगंटीवार यांच्या सुचने नुसार सुरज पेदुलवार यांच्या नेतृत्वात शिष्टमंडळाने कुलगुुुरू समोर निवेदना व्दारे मांडण्यात आले आहे. गोंडवाना विद्यापिठाने नुकतेच पि.एच.डी (PHD) साठी आवश्यक असलेली प्रवेश परिक्षा पी.ई.टी (PET) जाहीर केली. त्यामध्ये 55 टक्के गुणांसह पद्व्युत्तर परिक्षा उत्तीर्ण असलेली उमेदवार सदर परिक्षेला पात्र ठरतिल असे नमुद केले आहे. मात्र कोविडमुळे पद्व्युत्तर अभ्यासक्रमाची अखेरच्या सत्राची परिक्षा ही लांबणीवर गेली आहे. विद्यापिठाच्या नियोजन पत्रानुसार ही परिक्षा 10 ऑगस्ट  पासुन होणार आहे. परंतु कोविड परिस्थिती नसती तर तिच परिक्षा मार्च/एप्रिल महीण्यात झाली असती व संबधीत विद्यार्थी हे पी.इ.टी साठी पात्र ठरले असते. कोविड परिस्थितीमुळे परिक्षा पुढे जाने यात विद्यार्थांची काय गुन्हा आहे ?

सदर विद्यार्थांचे शैक्षणीक नुकसान होऊ नये यासाठी विद्यापिठाने पद्व्युत्तर शेवटच्या सत्राला असलेल्या विद्यार्थांना पी.ई.टी परिक्षा देण्याची संधी देण्यात यावी. किंवा पी.ई.टी परिक्षा सप्टेंबर महीण्यात घ्यावी अशी मागणी सुरज पेदुलवार भाजपा जिल्हाउपाध्यक्ष यांनी निवेदना व्दारे मा. कुलगुरू, गोंडवाना विद्यापिठ यांना केली आहे.