हायवा ट्रकने धडक दिल्याने दूचाकीस्वार ठार

वणी मूकूटबन रोडवरील 18 नं. पुलाजवळील घटना

 वणी-मूकूटबन मार्गावरील 18 नंबर पूलाजवळ एका भरधाव हायवाने एका दूचाकीला जबर धडक दिल्याने दूचाकीस्वार जागीच ठार झाल्याची घटना आज दि, 8 मे रोजी सकाळी 11 वाजताचे सूमारास घडली,   मृत्यूकाच्या जवळ असलेल्या आय डी कार्ड वरून विजय चंदनखेडे असे मृत झालेल्या व्यक्तीचे नाव असल्याचे कळते. तो मारेगाव येथील  रहिवासी असून कामानिमित्त पुरड येथे जात असताना हायवा ट्रक क्र,एम,एच,-40बीजी 6551 हे वाहन वणीकडे भरधाव वेगाने येत असतांना पेटूर जवळ असलेला 18 नंबर पूलाजवळील टर्निगजवळ भरधाव हायवाने दूचाकीला जबर धडक दिल्याने या अपघातात दूचाकीस्वाराला जागीच ठार झाला. 
विशेष म्हणजे हायवा ट्रक हा एवढा भरधाव वेगाने येत होता कि, त्याने दूचाकीला धडक देऊन 18 नंबर रेल्वे पूलावर सूमारे 20 फूट उंच जाऊन खाली आला, अपघाताची माहिती मिळताच पोलीस घटनास्थळी दाखल झाले. पोलिसांनी पंचनामा करून मृतदेह उत्तरीय तपासणी करिता वणी रुग्णालयात दाखल केला आहे.