भरधाव ट्रकची दुचाकीस्वारास धडक..!

एक ठार तर एक जखमी ।। अडणी येथील घटना.

प्रविण गायकवाड(राळेगाव तालुका प्रतिनिधी) :  टेंभा येथून दुचाकीने महामार्गावरून पांढरकवडा येथे जात असतांना भरधाव ट्रकने एका दुचाकीस्वरास जोरदार धडक दिली. यात दुचाकीवरील एक इसम ठार तर एक जण गंभीर जखमी झाल्याची घटना गुरुवारी सायंकाळी ७ वाजताच्या दरम्यान अडणी गावाजवळ घडली. जखमींना करंजी रुग्णालयात उपचारार्थ दाखल करण्यात आले.

लगतच्या हिंगणघाट तालुक्यातील टेंभा येथील राहुल लकमा टेकाम (२५)  व प्रवीण श्यामराव मांगुर्ले (२२) हे दोघे दुचाकी (क्रमांक एम.एच. ३२ एस ५८२३ ने ९ डिसेंबर रोजी सायंकाळी  टेम्भा येथून वडकी मार्गे  महामार्गावरून विरुद्ध दिशेने पांढरकवडा कडे जात होते.दरम्यान अडणी गावाजवळ हेद्राबाद वरून  नागपूर कडे जात असलेल्या ट्रक क्रमांक एम एस ४० बिजी  ००९६ ने विरुद्ध दिशेने जात असलेल्या दुचाकी स्वरास जबर धडक दिली.या दुचाकीवरील दोघांपैकी राहुल लकमा टेकाम यांचा जागीच मृत्यू झाला तर प्रवीण मांगुर्ले हा गंभीर जखमी झाला असून  वडकी पोलिस स्टेशनचे ठाणेदार विनायक जाधव सह रमेश आत्राम,अरविंद चव्हाण,रमेश मेश्राम यांनी तात्काळ घटनास्थळ गाठून जखमींना करंजी रुग्णालयात उपचारार्थ दाखल केले. याप्रकरणी पोलिसांनी गुन्हा नोंदविला असून पुढील तपास वडकी करीत आहे.