बोरी(गदाजी) येथे घडला थरार..! इसमावर चाकू हल्ला करुन आरोपी झाला होता फरार.

इसम गंभीर जखमी, आरोपीवर गुन्हा दाखल. मारेगाव पोलिसांना आरोपीच्या मुसक्या आवळण्यात यश..

आशिष साबरे (वणी-विभागीय-प्रतिनिधी) :- एका ४५ वर्षीय इसमावर धारदार चाकूने हल्ला करून गंभीर जखमी केल्याची थरारक घटना मारेगाव तालुक्यातील बोरी (गदाजी) येथे २३ जुलै च्या रात्री ९.०० वाजताच्या दरम्यान घडली. विशाल पंजाब उईके (२७) रा.बोरी(गदाजी) असे हल्ला करणाऱ्या आरोपीचे नाव आहे.तर सोनबा कोरझरे (४५) रा.बोरी (गदाजी) असे चाकू हल्ल्यात जखमी झालेल्या इसमाचे नाव आहे.पोलीस सूत्राच्या माहिती नुसार जखमी सोनबा व मुलगा अंकुश कोरझरे (२३), मंगल कोरझरे (१५) हे घटनेच्या दिवशी प्रभाकर नामक इसमाला दापोरा येथे सोडुन देऊन गावात परत आले.दरम्यान गावातील पान ठेल्यावर खर्रा घेऊन घरी परत जात असताना गदाजी महाराज देवस्थान च्या गेट जवळ आरोपीचा भाऊ मंगेश सोबत सोनबा बोलत असतांना,आरोपी विशाल उईके हा मागुन आला व हातात असलेल्या धारदार चाकूने हल्ला चढविला.यात सोंनबाच्या पोटाच्या वर धारदार चाकूने आरोपीने भोकसल्याने तो रक्ताच्या थारोळ्यात गंभीर जखमी होवून तो खाली पडला.दरम्यान आरडाओरडा केला असता आरोपी विशाल हा घटनास्थळा वरून फरार झाला.दरम्यान जखमी सोनबा ला मारेगाव येथील ग्रामीण रुग्णालयात भरती केले असता, प्रकृती चिंताजनक असल्याने यवतमाळ येथे हलविण्यात आले.

फिर्यादी जखमीचा मुलगा अंकुश कोरझरे (२३) याच्या तक्रारीवरून आरोपी विशाल पंजाब उईके याचे वर कलम ३२६ अंतर्गत गुन्हा दाखल करून मध्यरात्री २ वाजता दरम्यान आरोपीस अटक करण्यात आली आहे.पुढील तपास पोलीस निरीक्षक जगदीश मंडलवार यांचे मार्गदर्शनात मारेगाव पोलीस करत आहे.व सरते शेवटी मारेगाव पोलीस आरोपीच्या मुसक्या आवळन्यात यश आले.