वाघाने चढवला गाईवर हल्ला..!

सुकनेगाव जंगलातील घटना. 

दिलीप भोयर (प्रतिनिधी) :  तालुक्यातील सुकनेगाव परिसरातील जंगल शेजारी जरत असलेल्या गाईवर आज ता.  १० रोजी सकाळी ११ च्या वाघाने अचानक हल्ला करून गायीला  ठार केल्याने परिसरातील शेतकऱ्यांमध्ये भीतीचे वातवरण पसरले आहे.  नवरगाव येथील शेतकरी देविदास आनंदराव बोन्डे यांच्या मालकीची गाय असून त्यांनी आज गायी चारणीसाठी गुराख्याकडे गाय सोडली व गुरख्याने  गावातील सर्व गायी जंगलाच्या दिशेने चारायला नेल्या असता नवरगाव येथील शेतकरी सचिन कुचनकार यांचे शेताजवळ गायी चरत असताना वाघ आला व वाघाने गायीवर हल्ला चढवला यात गायीचा जागीच मृत्यू झाला गुराखी व शेतातील शेतकऱ्यांनी आरडा ओरड केल्याने वाघ गायीचा पडशा पाडून निघून गेला.  या परिसरात दर ५ ते ६ दिवसांनी जनावरांवर वाघाचे हल्ले होत असून या वाघाचा तात्काळ बंदोबस्त वनविभागाकडून करण्यात यावा अशी मागणी परिसरातील शेतकरी करीत आहे.