शिक्षिका बनल्या ऑक्सिजन ब्रिगेड टीमचा हिस्सा..

वरोरा:- शिक्षक हा मानवी जीवनाचा अहंम गुरू.गुरू विना जीवनात यश नाही.शिक्षकांच्या चांगुल पणाने कित्येकांचे जीवन यशस्वी झाले हे आपण पाहतो पण एक चांगला शिक्षक आपल्या वर्तनातून सुद्धा एक आदर्श व्हावा असाच प्रकार वरोरा तालुक्यातील शिक्षकांनी आपल्या उपक्रमातुन घडवून समाजाला दिला.वरोरा तालुक्यात जिल्हा परिषद शाळेतील शिक्षकांचा सहेली ग्रुप आहे.हा ग्रुप नेहमी आपल्या सामाजिक दायित्वाचे निर्वाहन करीत सामाजिक उपक्रम राबवित असतात.त्यातच या ग्रुप द्वारे कोविड च्या महामारीत त्यांच्याद्वारे  गांधी उद्यान योग मंडळ वरोरा (ऑक्सिजन ब्रिगेड टिम ) यांना २ ऑक्सिजन सिलेंडर देऊन ऑक्सिजन ब्रिगेड टीमला हातभार देऊन ऑक्सिजन ब्रिगेड टीमचा हिस्सा झाल्याने त्याच्या कार्याचे कौतुक सर्वत्र  केल्या जात आहे. ऑक्सिजन सिलेंडर देते वेळी सौ.मनिषा काळे,सौ.पुष्पा गोटे,सौ विद्या मत्ते, सौ.रजनी बुजाडे, सौ.ऊज्वला खिरटकर, कु.माधुरी कार्लेकर आणि कु.आसुटकर शिक्षिका उपस्थित होत्या.