दसऱ्याच्या दिवशी उपप्रादेशिक परिवहन कार्यालयाचे कामकाज राहणार सुरु

दसऱ्याच्या दिवशी उपप्रादेशिक परिवहन कार्यालयाचे कामकाज राहणार सुरु

चंद्रपूर दि. 14 ऑक्टोंबर: दसऱ्याच्या मुहूर्तावर राज्यभरात नवीन वाहनांची मोठ्या प्रमाणात खरेदी होत असते. त्यामुळे दसऱ्याच्या दिवशी नवीन वाहनांना नोंदणी क्रमांक मिळून वाहनाचा ताबा जनतेस मिळावा, त्याअनुषंगाने शासकीय महसूल जमा व्हावा याकरिता दि. 15 ऑक्टोबर 2021 रोजी दसरा सणानिमित्त परिवहन व परिवहनेत्तर संवर्गातील सर्व  वाहनाची  नोदंणी करण्याकरीता कार्यालये सुरु ठेवण्यात येत आहे. सदर कामाकरिता या कार्यालयातील अधिकारी व कर्मचाऱ्यांची नियुक्ती करण्यात येत आहे.

त्याअनुषंगाने परिवहन व परिवहनेत्तर संवर्गातील नवीन वाहनाच्या नोंदणीचे कामकाज सुरळीत चालू राहील व नवीन वाहनाची फि व कर स्वीकारण्यात येईल. याची सर्व जनतेनी व जिल्ह्यातील वाहन विक्रेत्यांनी नोंद घेऊन सदर संधीचा लाभ घ्यावा. असे आवाहन उपप्रादेशिक परिवहन अधिकारी किरण मोरे यांनी केले आहे.