जि.एस.आईल मिल कंपनीतिल 11 करोड रुपयाचे साहित्य लंपास करणाऱ्या  मुख्य आरोपीस एक वर्षा नंतर अटक

जि.एस.आईल मिल कंपनीतिल 11 करोड रुपयाचे साहित्य लंपास करणाऱ्या मुख्य आरोपीस एक वर्षा नंतर अटक, आरोपीस पाच दिवसाची पोलीस कोठडी

वणी : येथिल जि.एस.आईल मिल कंपनीतुन तब्बल ११ करोड २३ लाख ९९ हजार रुपयाचे साहित्य चोरट्यांनी लंपास केले होते.या प्रकरणी दि.२ जानेवारी २०२० गुरुवारला सिकंदराबाद येथिल स्टेट बँक आफ इंडीयाच्या शाखा व्यवस्थापकांनी वणी पोलीस स्टेशन गाठुन तक्रार दाखल केली होती. या तक्रारीवरुन वणी पोलीसांनी अज्ञात चोरट्यांविरुद्ध चोरीचा गुन्हा दाखल करुन तपासात घेतला होता परतू ११ महिन्या नंतर मुख्य आरोपी पोलिसांच्या हाती लागला.

या बहुचर्चित जी एस आईल कंपनी मध्येमनोजकुमार अग्रवाल उर्फ मखरीया हे मँनेजिंग डायरेक्टर असलेल्या या जि.एस.आईल मिल कंपनीत संजयकुमार अग्रवाल उर्फ मखरीया, अजयकुमार अग्रवाल उर्फ मखरीया व उमेशकुमार अग्रवाल उर्फ मखरीया ईत्यादी संचालक होते. हि कंपनी सुरु करतांना या संचालकांनी आदिलाबाद येथिल स्टेट बँक आँफ इंडीया या शाखेतुन २२० करोड ९५ लाख रुपये कर्जाची उचल केली होती. परंतु ११ जुलै २०१२ पासुन या कंपनीच्या व्यवस्थापक मंडळाने नियमीत कर्जाची फेड न केल्याने जि.एस.आईल मिलचे खाते एनपिए झाले. परिणामी बँकेने आदिलाबाद व वणी येथिल कंपन्या आपल्या ताब्यात घेतल्या. यानंतर जुन २०१७ मध्ये सदर प्रकरण बँकेच्या सिकंदराबाद शाखेत गेल्यानंतर वणी येथिल जि.एस.आईल मिल मध्ये तैनात असलेले सुरक्षा रक्षक काढुन घेतले. परिणामी वणी परिसरातील भंगार चोरट्यांनी या कंपनीला टार्गेट केले होते. विशेष म्हणजे चोरट्यांनी मशिनचा वापर करुन दिवसा ढवळ्या या कंपनीतील साहित्यांच्या चोरीचा धुमाकुळ घातला होता.
यादरम्यान ९ फेब्रुवारी २०१७ ते १० मार्च २०१८ पर्यंत या कंपनीलील सुमारे ११ कोटी २३ लाख ९९ हजार रुपये किंमतीचे साहित्य चोरट्यांनी लंपास केले होते.या घटनेची माहीती बँकेचे संचालक मनोज मखरिया यांना मिळताच त्यांनी बँकेत जावुन कंपनीतील साहित्यांची चोरी होत असल्याची माहीती दिली होती. परिणामी दि.२ जानेवारी २०२० गुरुवारला सिकंदराबाद येथिल स्टेट बँक आँफ इंडीयाचे व्यवस्थापक राधाक्रुष्ण मुक्कटीश्वरराव संका(५५)यांनी वणी पोलीस ठाणे गाठुन साहित्य चोरी प्रकरणी तक्रार दाखल केली होती. या तक्रारीवरुन वणी पोलीसांनी भादंवी ३७९ नुसार चोरीचा गुन्हा दाखल करुन तपासात घेतला होता. एक वर्षापासून तपास सुरू होता. दरम्यान पोलिसांना मंगळवारी आदिलाबाद येथील पथक येऊन भेटले व त्यानी या प्रकरणी तपासाची चौकशी केली मिळालेल्या माहितीच्या आधारे आरोपी शेख ईप्तेखार उर्फ बबलु शेख अहेमद (४९)रा.वणी यास सिताफीने ताब्यात घेतले. त्याच्याविरुद्ध भादंवीचे कलम ३७९,३५४, ४५७,३८०,३४ अन्वये गुन्हा दाखल केला व अटक करून आरोपीस न्यायालयात हजर केले असता न्यायालयाने पाच दिवसाची पोलिस कोठडी सुनावली आहे.
सदर कार्यवाही ही पोलिस अधिक्षक डाॅ.दिलीप पाटील भुजबळ, अप्पर पोलिस अधीक्षक खंडेराव धरणे, उपविभागीय पोलीस अधिकारी संजय पुज्जलवार, पोलिस निरीक्षक वैभव जाधव यांच्या मार्गदर्शनाखाली पोउनि/ गोपाल जाधव, सुनिल खंडागळे, सुधीर पांडे, रत्नपाल मोहाडे, पंकज उंबरकर, दिपक वांड्रसवार यांनी पर पाडली.