‘त्या’ तरूणाची हत्या करणारे मारेकरी गवसले... तिन दिवसानंतर झाला हत्येचा उलगडा..

सौजन्य : Ravi Dhumane Blog

वणीः पोलीस ठाण्याच्या हद्दीत येणा-या राजूर कॉलरी येथील 39 वर्षीय तरूणाची गळा आवळून हत्या करण्यात आली होती. या घटनेत संशयित असलेल्यांना पोलीसांनी ताब्यात घेतले होते. संबधीतांची कसून चौकशी झाल्यानंतर अखेर तिन दिवसांनी या घटनेचा उलगडा करीत मारेक-यांना अटक केली आहे.

राजूर कॉलरी येथील अतूल सहदेव खोब्रागडे या तरूणाची गळा आवळून हत्या केल्याची घटना सोमवारी सकाळी साडेसात वाजताचे सुमारास उघडकीस आली होती. प्रसंगी पोलीसांनी घटनास्थळाचा पंचनामा करून मृतदेह उत्तरिय तपासणी साठी वणीच्या ग्रामिण रूग्णालयात पाठविला होता. दरम्यान अतूल चे संबध सोनू सरवणे या महिलेशी असल्याची कुणकुण लागताच सदर महिलेला पोलीसांनी चौकशीसाठी ताब्यात घेतले होते. तिन दिवस कसून चौकशी केल्यानंतर अखेर सोनू राजू सरवने 25 हीने बहिणीचा नवरा हर्षद अबादास जाधव 40 च्या मदतीने सोनू ने रविवारी रात्रीचे सुमारास अतूलची चुनाभट्टी परिसरातील घरात गळा आवळून हत्या केल्याची कबूली दिली आहे.

यातील दोघांनाही पोलीसांनी अटक केली आहे. सदर तपास जिल्हा पोलीस अधिक्षक डॉ दिलीप पाटील भुजबळ, अप्पर पोलीस अधिक्षक खंडेराव धरणे, उपविभागीय पोलीस अधिकारी संजय पुजलवार, यांचे मार्गदर्शनात ठाणेदार शाम सोनटक्के, सहायक पोलीस निरीक्षक माया चाटसे, अविनाश बानकर, अमोल नुनेलवार आदींनी केली आहे.