प्रधानमंत्री भारतीय जनऔषधी परियोजना हा गरीबांसाठी मा. प्रधानमंत्री नरेंद्र मोदी जी यांचा महत्वकांक्षी कार्यक्रम - हंसराज अहीर

चंद्रपूर:- प्रधानमंत्री भारतीय जन औषधी परियोजना अंतर्गत प्रधानमंत्री भारतीय जनऔषधी केंद्र देशात सर्वत्र सुरू आहेत. दि. 07 मार्च भारतीय जनऔषधी दिवस म्हणुन साजरा करण्यात येतो. यानिमित्त चंद्रपूर शहरातील महाकाली मंदीर जवळील जन औषधी केंद्र येथे जन औषधी दिवस पूर्व केंद्रीय गृहराज्यमंत्री हंसराज अहीर यांच्या उपस्थितीत साजरा करण्यात आला.

यावेळी जन औषधी केंद्राचे संचालक श्री राजेंद्र भंडारी यांचा शाल व श्रीफळ देवून सत्कार केला व उपस्थित ग्राहकांचाही पुष्पगुच्छ देवू सत्कार केला. साप्रसंगी चंद्रपूर येथील सुप्रसिध्द डाॅ. ए.ई. लाहेरी, श्री राजेश मुन, श्री राजेश वाकोडे, पुनम तिवारी, विनोद बुध्दावार, विजय आक्केवार, राजन नेरलवार, यांची प्रमुख उपस्थिती होती.

मा. प्रधानमंत्री नरेंद्र मोदी जी यांचा भारतीय जनऔषधी परियोजना हा महत्वकांक्षी कार्यक्रम असुन गरीबांना माफक दरात उत्तम दर्जाची औषधी मिळण्याचे ठिकाण असल्याचे प्रतिपादन हंसराज अहीर यांनी यावेळी केले. गरीबांना स्वस्त दरात औषधी उपलब्ध व्हावी, औषधांच्या महागाईमुळे गरीबांवर संकट येणार नाही यासाठी प्रधानमंत्र्यांनी संपूर्ण देशात जन औषधी केंद्रचे अभियान चालविण्यात येत आहे. जन औषधीच्या गुणवत्तेवर विश्वास करून नागरीकांनी या स्वस्त व दर्जेदार औषधांचा लाभ घ्यावा असे आवाहन ही त्यांनी यावेळी केले.

जन औषधी दिनानिमित्त याठिकाणी मोफत रक्तदाब व ब्लड शुगर तपासणी कार्यक्रमाचे आयोजन करण्यात आले होते तसेच महिलांना मोफत सॅनीटरी पॅडचे वितरण करण्यात आले.