त्या जखमी इसमाचा उपचारादरम्यान मृत्यू..

नागपूर येथे सुरू होते उपचार..

वणी (प्रतिनिधी ) : छोरीया ले आउट परिसरातील निर्गुडा नदीच्या पुलावर दि. १८ जून ला ऑटो समोर वराह आल्याने नियंत्रण सुटल्याने ऑटो पलटी झाला होता. या घटनेत ४५ वर्षीय इसम गंभीर जखमी झाले होते. त्यांना उपचारार्थ नागपूर ला हलविण्यात आले. उपचारादरम्यान त्यांचा मृत्यू झाला या प्रकरणी वणी पोलिसांनी दि. २ जुलै ला गुन्हा नोंदवला आहे.

कवडू कन्नाके वय ४५ रा उमरी असे उपचारादरम्यान मृत्युमुखी पडलेल्या व्यक्तीचे नाव आहे. घटनेच्या दिवशी मृतक हा उमरी वरून वणीला जाण्यासाठी ऑटो मधून निघाला. निर्गुडा नदीच्या पुलावर वाहन चालक सुरेंद्र महाकुलकर याचे ऑटो वरील नियंत्रण सुटले, ऑटो पलटी झाला यात कवडू कन्नाके गंभीर जखमी झाला. गंभीर असल्याने त्याला नागपूर  ला हलविण्यात आले मात्र उपचारादरम्यान त्यांचा मृत्यू झाला. या प्रकरणी रोहित कनाके  वय १९ रा.उमरी यांच्या तक्रारीवरून वणी पोलिसांनी आरोपी सुरेंद्र महाकुलकर याच्याविरुद्ध भादवी कलम २७९, ३०४-अ,भादंवि  नुसार गुन्हा नोंद केला आहे.