कोळसा उत्पादनाचे लक्ष्य गाठणे हेच खानीचे ध्येय - अतुलसिंग

बेलोरा नायगाव खुल्या खाणीत सुरक्षा पंधरवडा साजरा    

 भारतीय वार्ता वणी (प्रतिनिधी ) :- कोल इंडियाने या वर्षात 1000 मिलियन टन कोळसा उत्पन्नाचे उद्दिष्ट ठेवले आहे .उत्पन्नाचे हे उद्दिष्ट गाठणे हेच आपल्या कोळसा खाणीचे ध्येय असून हे लक्ष गाठीत असताना खाणीत काम करणाऱ्या कामगार आणि स्वतःची सुरक्षा ठेवत काम करावे असे आवाहन निलजई येथील उपक्षेत्रीय प्रबंधक अतुल सिंग यांनी व्यक्त केले.

वेकोलिच्या वणी क्षेत्रांतर्गत येत असलेल्या बेलोरा नायगाव या खाणीत सुरक्षा पंधरवडा मोठ्या उत्साहात साजरा करण्यात आला. यावेळी उपक्षेत्रीय प्रबन्धक अतुल सिंग ,वनक्षेत्राचे सुरक्षा अधिकारी एस पी सिंग, खान प्रबंधक आर के आचार्य, एस जोसेफ, यादव, सुरक्षा टीम प्रमुख रवींद्र खेडकर, रवींद्र सिंग, पी के घोष, कपिल प्रजापति, शशिकांत पवार, विजय कुमार, सुरेशसिंग गौर, पाटील, काळमेघ आदी मान्यवर मंडळींची उपस्थिती होती. खान प्रबंधक आचार्य यांनी आपल्या मार्गदर्शनात सांगितले की, चार वर्षापूर्वी या खाणीत काम करणे अवघड होते, कामगार खाणीत काम करण्यास घाबरत होते. मात्र आता परिस्थिती बदलली असून खान काम करण्यासाठी सुरक्षित आहे. मात्र काम करताना सुरक्षिततेचे नियम पाळून स्वतःची सुरक्षा करणे आवश्यक आहे .यावेळी एस पी सिंग, रवींद्र खेडकर आदींनी मोलाचे मार्गदर्शन केले.