कापुस , सोयाबीनच्या काढणीचा खर्च शेतकरी हैरान.

यवतमाळ/ प्रतिनिधी:  उन्हाळ्यात जमीन
तयार करण्यापासुन बियाणे,
पेरणीचा व अंतरमशागतीचा खर्च
आणि त्यानंतर शक्य असल्यास
फवारणी च्या खर्चा पेक्षाही
हातातोंडाशी आलेले पिकं घरात
आणण्यासाठी मात्र शेतकऱ्याला
मोठ्या प्रमाणात खर्च येत आहे.
सोयाबीनची कापणी करुन तयार
करण्याकरीता एकतर मजुर मिळत
नाही. आणि मिळालेच तर मोठ्या
प्रमाणात मजुरी द्यावी लागते.
तसेच सोयाबीन तयार
करण्याकरीता आपल्याकडील
शेतकऱ्याकडे हार्वेस्टर नाही.
प्रामुख्याने पंजाब, उत्तर प्रदेशातून
हे हार्वेस्टर येतात. एकाच वेळी
अनेक शेतक-यांना गरज
असल्याने त्यांना देखिल मोठ्या
प्रमाणात सोयाबीन काढणीसाठी
पैसे द्यावे लागतात. त्यामुळे पिक
पेरण्यापासुन ते तयार होई पर्यंत
ते
लागणाऱ्या खर्चा पेक्षाही केवळ
काढणीसाठी मोठा पैसा लागत
आहे. सोयाबीन प्रमाणेच
कापसाचेही तसेच आहे. शेतात
कापुस फुटल्याने शेत पांढरे सफेद
दिसते. परंतु कापुस
वेचणीसाठी मजुर मिळत नाही.
१० रु. प्रति किलो किंवा २००
रु. रोज देवुन कापुस वेचावा
लागत आहे. जर यात हायगई
केली तर पावसाची भिती
असल्याने केव्हाही पाऊस
आला तर कापुस ओला होईल
या भितीने अधिक मजुरी
देवुनही मजुर मिळेनाशी
परिस्थिती ग्रामीण भागात झाली
आहे. या संकटात शेतकरी
सापडला आहे.