आरमोरी तालुक्यातील शिवणी घाटावर आढळले दोन अल्पवयीन प्रेमीयुगुलांचे मृतदेह

आरमोरी तालुक्यातील शिवणी घाटावर आढळले दोन अल्पवयीन प्रेमीयुगुलांचे मृतदेह

ब्रम्हपूरी: ब्रम्हपुरी तालुक्यातील चिंचोली बुजुर्ग येथील अल्पवयीन युवक व युवतीचे प्रेत गडचिरोली जिल्हातील आरमोरी तालुक्यातील शिवणी घाटावर दि ७ ऑगस्टला आठळून सायंकाळच्या दरम्यान आढळून आले . स्वाती दिलीप मेश्राम वय १५ वर्ष व आशिष प्रभू मेश्राम वय १७ वर्ष दोघेही रा.चिंचोली बुजुर्ग त.ब्रम्हपुरी येथील आहेत.  दोघांनीही एकमेकाच्या हाताला दोर बांधून वैनगंगा नदीपात्रात आत्महत्या केली .

सदर आत्महत्या हि प्रेम प्रकरणातून केली असावी असा अंदाज वर्तविण्यात येत आहे. स्वाती व दिलीप हे दोघेही ३ ऑगस्ट पासून बेपत्ता होते. दोघांच्याही कुटुंबीयांनी ब्रम्ह्पुरी पोलिस स्टेशन येथे बेपत्ता असल्याची तक्रार नोंदविली होती. दोघांचीही शोध मोहीम ब्रम्हपुरी पोलिसांनी राबविली होती. दरम्यान आज दि ७ ऑगस्टला स्वाती व आशिष चा मृतदेह आरमोरी तालुक्यातील शिवणी घाटावर  एकमेकाच्या हाताला दोर बांधलेल्या अवस्थेत आठळून आला .

पुढील तपास ब्रम्हपुरी पोलिस स्टेशनचे पोलिस निरीक्षक रोशन यादव यांच्या मार्गदर्शनाखाली  पो. का. अरुण पिसे करीत आहेत.