नवीन वर्षांची सुरवात निराधारांच्या सेवेत ।। मजरा येथे निराधार मार्गदर्शन शिबीर, नऊ लाभार्थी पात्रतेत.

वणी (प्रतिनिधी) : येथून जवळच असलेल्या मजरा येथे आज नवीन वर्षाच्या पहिल्या दिवशी सरपंच अनिल देऊळकर यांच्या सहकार्याने वयोवृद्ध, विधवा , निराधार लोकांच्या निराधार योजनेसाठी मोफत मार्गदर्शन शिबीर श्री गुरुदेव सेना व वंचित बहुजन आघाडीच्या संयुक्त उपक्रमाअंतर्गत घेण्यात आले. एक दिवस निराधारासाठी असा सामाजिक कार्यकर्ते दिलीप भोयर यांनी सुरू केला असून यात गावातील गोरगरीब वयोबरुद्ध, विधवा , आणि दिव्यांग लोकांना शासनाची निराधार योजनेची माहिती देण्यात येत आहे. गावातील कोणताही निराधार वंचित राहू नये साठी हा उपक्रम सुरू करण्यात आला असून यात मजरा येथील सरपंच अनिल देऊळकर यांनी सहकार्य करीत त्यांनी शिबिराचे आयोजन केले होते आणि या शिबिरासाठी स्वतःचे मंगल कार्यालय उपलब्ध करून दिले व गावातील सर्व गोरगरिबांना बोलवून घेतले . यात सर्वांच्या दत्त ऐवजांची पाहणी करून जे लाभार्थी योग्य आहे अश्या सर्वांचे अर्ज तयार करून घेतले. यात नऊ लाभार्थी मिळाले असून पात्रतेत येत आहे अश्या सर्वांना लवकरच निराधार योजनेचा लाभ मिळतील. या शिबिराला वंचित बहुजन आघाडीचे जिल्हाउपाध्यक्ष मंगल तेलंग, ग्रामसेवक एन. यु. कॉलर, उपसरपंच संतोष डाखरे, मुकेश सूर्यवंशी आणि अर्जनविस सुभाष परचाके आदि उपस्थित होते. यावेळी राष्ट्रवंदना घेऊन शिबिराची सांगता करण्यात आली व आभार अनिल देऊळकर यांनी मानले. तसेच आंदनराव मोहितकार यांनी महाप्रसादाच्या कार्यक्रमात आमंत्रित करून भोजन दान केले.