प्रशासन कोरोना नियंत्रणात व्यस्त अन तस्कर रेतीचोरीत मस्त 

प्रशासन कोरोना नियंत्रणात व्यस्त अन तस्कर रेतीचोरीत मस्त 

चंद्रपूर (भद्रावती ): कोरोनाची दुसरी लाट आली जनजीवन पूर्णपणे विस्कळीत झाले कोरोना  रुग्णाची संख्या पटीने वाढत आहेत त्यातून ग्रामीण भाग सुद्धा सुटला नाही.

        कोरोना नियंत्रणासाठी राज्य सरकारने लॉकडाऊन लागू केला जेणेकरून लोकांची गर्दी नियंत्रणात येईल हे असताना प्रामाणिक पणे रोजची रोजीरोटी बंद करून सरकारच्या आदेशाने लोकांच्या हितासाठी दुकाने बंद करून घरी बसले आहे.

 सुलून, हार्डवेअर,ग्यारेज,मोबाईल, इलेक्ट्रिक,बिछायत केंद्र असे अत्यावश्यक सेवा नसलेले दुकान बंद असल्याने त्यांना आर्थिक नुकसान सहन करावे लागत आहे.
 
मात्र या सर्वाला अपवाद म्हणजे स्वतःला सामाजिक कार्यकर्ते समजणारे काळे धंदे करणारे रेती तस्कर वर्धा नदीतून पाटाळा-राळेगाव घाटावरून रात्री परवानगी नसताना सुद्धा मोठमोठया ट्रक लावून नजीकच्या शेतात जमा करतात आणि दिवसभर तिची उचल करतात.
 
कारण प्रशासन हे कोरोना काळात लोकांचे जीव वाचविण्यात व्यस्त असताना हे लोक मात्र त्यांच्यावर असलेण्या अतिरिक्त ताणाचा फायदा घेत मोठ्या प्रमाणावर रेती काढून भरपूर पैसे कमविण्यात मग्न आहे.मात्र जनसामान्य माणूस माणुसकी जपून शासनाच्या आदेशाचे पालन करून स्वतःच्या आनंदावर विरजण घालून आर्थिक नुकसान सहन करत आहे.
हे खरंच लज्यास्पद परंतु सत्य आहे.

     तेव्हा सामान्य जनतेकडून अशा अवैध रेती तस्करांवर महसूल विभागाने कायमस्वरूपी कारवाही करावी असा सूर ग्रामीण भागातून येताना दिसतो.जेणेकरून प्रामाणिक आणि नेकदिल माणसानी या कोरोना काळात केलेल्या त्यागाला  आणि जीव गमावलेल्या लोकांना खरी मानवंदना
 मिळेल.