घुग्गुस येथे रेती तस्करीत पकडलेल्या 6 ट्रॅक्टर चा तहसील प्रशासनाने केला लिलाव

घुग्गुस येथे रेती तस्करीत पकडलेल्या 6 ट्रॅक्टर चा तहसील प्रशासनाने केला लिलाव

घुग्गुस: घुग्गुस येथे रेती तस्करीत पकडलेल्या 6 ट्रॅक्टर चा तहसील प्रशासनाने आज घुग्गुस येथील तलाठी कार्यालय परिसरात लिलाव केला आहे. तहसील कार्यालय, चंद्रपूर येथील पथकाद्वारे अवैधरीत्या रेती उत्खनन व वाहतूक करतांना आढळून आलेल्या वाहनांच्या वाहन मालकावर दंडात्मक कार्यवाही करण्यात आली होती. परंतु वाहन मालकांनी त्यांच्यावर ठोठावण्यात आलेली दंडाची रक्कम त्यांना वाजवी संधी देऊनही अद्यापपर्यंत सरकार जमा केली नाही. 

त्यामुळे महाराष्ट्र जमीन महसूल अधिनियम 1966 च्या तरतुदींना अधीन राहून सदर दंडाची रक्कम जमीन महसुलाची थकबाकी म्हणून वसूल करणे अपेक्षित आहे. त्यामुळे सदर वाहनांचा जाहीर लिलाव करण्यात आला. यावेळी तलाठी कार्यालय, घुगुस येथे एकूण सहा ट्रॅक्टर चा लिलाव करण्यात आला असल्याची माहिती नायब तहसिलदार सचिन खंडारे यांनी दिली.