मारेगावात दीड वर्षीय चिमुकलीसह शिक्षिका आईची विहिरीत आत्महत्या..

मारेगाव प्रतिनिधी/ (प्रफुल्ल ठाकरे):  दि. १९ मार्च रोजी रात्री नऊ ते अकरा वाजेदरम्यान घरुन निघुन गेलेल्या  दिड वर्षीय चिमुकलीसह शिक्षिका असलेल्या  आईने  मारेगाव जवळच असलेल्या विहिरीमध्ये ऊडी घेवुन आत्महत्या केल्याची घटना ता.२० मार्च रोजी सकाळी दहा वाजेदरम्यान उघडकीस आल्याने  एकच खळबळ उडाली आहे.

 मारेगाव येथे प्रभाग बारा मध्ये वास्तव्यास असलेल्या उमेश ऊलमाले यांची पत्नी कोमल उमेश उलेमाले ही तिच्या दीड वर्षीय मुलीला घेऊन ता. १९ मार्चला घरामधुन रात्री ९ ते ११ चे दरम्यान घरून निघून गेली होती. रात्री शोधाशोध केली असता कुठेच मिळाली नसल्याने मारेगाव पोलीसात तक्रार दाखल करण्यात आली.  आज सकाळी १० ते १०.३०वाजे दरम्यान सदर महिलेचे व तिच्या मुलीचे प्रेत मारेगाव जवळ असलेल्या  विजय थेरे यांच्या शेतामधील विहिरीमध्ये असल्याचे आढळून आल्याने खळबळ माजली आहे.वृत्त लिहीस्तोवर आत्महत्येचे कारण कळु शकले नाही.  सदर घटनेचा तपास पो. नि.जगदीश मंडलवार यांचे मार्गदर्शनाखाली आनंद अलचेवार  करीत आहे.