अण्णासाहेब पाटील आर्थिक मागास विकास महामंडळाचा लाभ घ्या :संचालक अनिल पाटील याचे आव्हान !

भारतीय वार्ता : अण्णासाहेब पाटील आर्थिक मागास विकास महामंडळाचे (मुंबई ) व्यवस्थापकीय संचालक ( Managing Director) मा. अनिल पाटील यांनी लाभार्थी याना लाभ घेण्याचे आव्हान केले आहे. दि 3फेब्रुवारी रोजी कार्यालयात सदिच्छा भेट घेतली असताना ते बोलत होते तसेच यावेळी महामंडळाच्या तीन नवीन योजनांची माहिती घेऊन योजना लाभ उचल लाभ कसा असतो याची सुद्धा माहिती खालील प्रमाणे देऊन लाभ घेण्याचे आव्हान केले.
वैयक्तिक कर्ज व्याज परतावा योजना (IR - I)
या योजनेत कोणत्याही बँकेमार्फत घेतलेल्या 10 लाख रु. पर्यंतच्या मर्यादेत व्याज परतावा 5 वर्षाकरिता 12% अथवा 3 लाखाच्या मर्यादेत व्याज परतावा करण्यात येईल.

गट कर्ज व्याज परतावा योजना (IR-II)
या योजनेत किमान 2 किंवा दोनपेक्षा अधिक व्यक्तींना गटाने एकत्र येऊन कमाल 25 ते 50 लाख रु.पर्यंतच्या उद्योग कर्जावर 5 वर्षापर्यंत जास्तीत जास्त 12% व्याज गटाच्या बँक खात्यात दरमहा महामंडळामार्फत जमा करण्यात येईल.

गट प्रकल्प कर्ज योजना (GL - I):
या योजनेत शेती पूरक उद्योगाकरिता पात्र किमान दहा शेतक-यांच्या ( कंपनी कायदा 2013 अन्वये स्थापन झालेले) गटाला 10 लाखापर्यंत बिनव्याजी कर्ज 7 वर्षाकरिता महामंडळाकडून देण्यात येईल.

महामंडळामार्फत आजपर्यंत लाभार्थ्यांना व लाभार्थी गटांना एकुण रु.85,87,16,427 एवढ्या रकमेचे अर्थ सहाय्य केले आहे. सोबत तिन्ही गटांना सुधारित मार्गदर्शक सूचना PDF स्वरुपात पाठवित आहे. याचा गरजुंनी अवश्य लाभ घ्यावा, असे आव्हान करून आर्थिक उन्नती करून राज्याला समृद्ध करण्यास सहकार्य करा.