अर्हेर रेतीघाट तस्करीत राजकीय, प्रशासकीय वरिष्ठ गुंतल्याची शंका..!

चंद्रपूर : ब्रम्हपुरी तालुक्यातील प्रत्येक वृत्तपत्रात झळकणाऱ्या अर्हेर रेती घाटावरील सणसणीत बातम्या, बऱ्याच राजकीय पक्षाने दिलेले अर्हेर येथील रेतीघाटावरील तस्करी बंद करण्यासाठीचे निवेदन व वरिष्ठ महसूल अधिकाऱ्यांना रात्रौच्या सुमारास करावा लागत असलेला कार्यालयीन पहारा या सर्व करामती कसरती नंतर सुद्धा अर्हेर रेतीघाटा वरील तस्करी ला कुठलाही लगाम नसून, अर्थपूर्ण व्यवहारात राजकीय, प्रशासकीय वरिष्ठ वर्ग गुंतले असल्याची सर्वत्र शंका व्यक्त केल्या जातं आहे.

   ट्रॅक्टर द्वारे होणाऱ्या भुरट्या स्वरूपातील तस्करी दरम्यान "सेटलमेंट" भूमिका वटवत अर्थपूर्ण व्यवहार करीत हजारो रुपये घेत असल्याचे नागरिकांकडून नेहमी आरोप होतं असलेले कनिष्ठ वर्ग मात्र थंड पडले असून तस्करीतील दरोड्यात कनिष्ठ वर्ग बाद झाल्याचे दिसून येत आहे.

वरिष्ठ वर्गाकडून होतं असलेली कनिष्ठ वर्गाची मुस्कटदाबी व कनिष्ठ वर्गाला मोक्का क्षेत्रात हजर असतांना सुद्धा घ्यावी लागत असलेली बघ्याची भूमिका सध्या तालुक्यात मोठा चर्चेचा विषय असून सध्याच्या दरोड्यातील तस्करी दरम्यान होणाऱ्या वरिष्ठ - कनिष्ठ कलगीतूऱ्यावर काय तोडगा निघणार आणि "हाईप्रोफाइल" भांडणातील तस्करी वर कोण लगाम लावणार...? हे पाहणे आता नागरिकांसाठी औचित्याचे.