कोरपना तालुक्यात १२३ निराधारांना दिला आधार

उमेश राजूरकर यांचा पुढाकार

गडचांदूर: संपूर्ण देशात कोरोना महामारीचे संकट असतांना निराधारांना आधार देण्यासाठी कोरपना संजय गांधी निराधार समितीचे अध्यक्ष उमेश राजूरकर यांच्या अध्यक्षतेखाली तहसील कार्यालय कोरपना येथे १६ जुलै रोज शुक्रवारला दुपारी १२ वाजता बैठक संपन्न झाली.

या बैठकीत संजय गांधी विधवा व अपंग योजने अंतर्गत ३६ श्रावणबाळ योजने अंतर्गत ६० इंदिरा गांधी विधवा योजने अंतर्गत ६ इंदिरा गांधी वृद्धपकाळ योजनेअंतर्गत १६ दुर्धर आजार परितक्त्या सिकलसेल घटस्पोटीत योजने अंतर्गत ५ अश्या १२३ प्रकरण मंजूर तर १२ प्रकरण नामंजूर करण्यात आले.

नामंजूर असलेले प्रकरणात ज्या काही त्रुटी असेल त्याची पूर्तता ऑनलाइन सेतू मध्ये जाऊन करावी तसेच अंध अपंग मतिमंद विधवा परितक्त्या वृद्ध सिकसेल दुर्धर आजार यांनी जास्तीत जास्त केसेस ऑनलाईन करून घ्यावे असे आवाहन संजय गांधी निराधार योजनेचे अध्यक्ष उमेश राजूरकर यांनी केले.

या प्रसंगी अध्यक्ष उमेश राजूरकर पदसिद्ध सचिव तथा तहसीलदार महेंद्र वाकलेकर नायब तहसीलदार प्रवीण चिडे अव्वल कारकून राजेश ढोबळे निशा सोयाम देवा थेटे प्रणिता मालेकर अशासकीय मिलिंद ताकसांडे आशिष वांढरे कल्पना  निमजे सुहेल अली प्रमोद पिंपळशेंडे विलास आडे अनिल निवलकर आदी उपस्थित होते.