ट्रक मालकासह सुपरवायझर ने ट्रक चालकाला घरात घुसून केली मारहाण..!

देवानंद ठाकरे (घुग्घुस प्रतिनिधि):  ट्रक मालकासह सुपरवायझर ने ट्रक चालकाला घरात घुसून मारहाण केल्याची घटना घुग्गुस शहरातील सुभाष नगर येथे घडली आहे. या प्रकरणी दोघांवर गुन्हे दाखल करण्यात आले आहे.गुरमित सिंग,वसीम शेख असे आरोपींचे नाव आहेत.तर सुनील वर्मा असे तक्रारदाराचे नाव असून त्याच्यावर उपचार सुरू आहे.

मिळालेल्या माहितीनुसार सुनील वर्मा एसीसी सिमेंट कंपनीत ट्रक चालविण्याचे काम करतो.हा ट्रक आरोपी गुरमित सिंग याचा आहे. शुक्रवारी रात्री च्या सुमारास ट्रक मध्ये टाकलेल्या डिझेलच्या पैशाच्या वादावरून आरोपी गुरमित सिंग,वसीम शेख याने ट्रक चालक सुनील वर्मा याला घरात घुसून मारहाण केली. यावेळी त्याच्या पत्नीला सुद्धा धक्काबुक्की करण्यात आली. त्यानंतर याची तक्रार पीडितांनी घुग्गुस पोलिसात केली असून पोलिसांनी दोघांवर गुन्हे दाखल केले आहे. या घटनेचा पुढील तपास पोलीस करीत आहेत.