उच्च शिक्षित तरूणीची आत्महत्या..

वणी: वणी येथील एका उच्च शिक्षित तरुणीने राहत्या घरी गळफास घेऊन आत्महत्या केल्याची घटना आज १४ मार्चला दुपारी १-३० वाजताच्या सुमारास घडली. शहरातील जैन ले-आऊट परिसरात वास्तव्यास असलेल्या या तरुणीने एम बी बी एस चा अभ्यासक्रम पूर्ण केला होता तीने ईन्टरशीप पुर्ण करून पोस्ट ग्रॅज्युएट च्या तयारीत ती होती. मोठी मुलगी इंजिनिअर असुन पुणे ईथे नौकरीवर आहे. तीच्या लग्नाच्या तयारी करीता आई वडील कामानिमित्त घराबाहेर गेले असता तरुणीने खिडकीच्या ग्रील ला गळफास घेत आत्महत्या केली. कु. काजल सुरेश ढेंगळे (२४) असे या गळफास घेऊन आत्महत्या केलेल्या तरुणीचे नाव आहे.

जैन ले-आऊट येथील सेवानिवृत्त शिक्षक सुधाकर ढेंगळे यांची मुलगी कु. काजल ढेंगळे हिने राहत्या घरी गळफास घेऊन आत्महत्या केली हि घटना घरी राहणाऱ्या आजीने दार का ती उघडीत नाही म्हणून तीने ओरड केली असता शेजारी मंडळीनी खिडकीत डोकावले असता काजल गळफास लाऊन दिसली. ही उच्च शिक्षित असून तिने एमबीबीएसचा अभ्यासक्रम पूर्ण केला आहे. तिच्या मोठ्या बहिणीचे पुढील महिन्यात लग्न असल्याने आई वडील लग्न पत्रिका वाटण्याकरिता घराबाहेर गेले होते. पोलिसांना घटनेबाबत माहिती मिळताच पोलिसांनी घटनास्थळ गाठून जागेचा पंचनामा करून मृतदेह उत्तरीय तपासणी करिता ग्रामीण रुग्णालयात हलविला. मुलीचे जवळेचे नातेवाईक दूरवर रहात असल्याने त्यांना लवकर येणे शक्य नसल्याने शवविच्छेदन उद्याला करण्याचा कुटुंबीयांनी आग्रह धरल्याने मृतदेह ग्रामीण रुग्णलायत पोस्टमार्टम रूममध्ये ठेवण्यात आला आहे. तरुणीच्या अशा या अकाली जाण्याने जैन लेआऊट मध्ये हळहळ व्यक्त केला जात आहे.