सामाजिक कार्यकर्ता उमेश इंगळे यांच्या मागणीला यश

बि.पी.ठाकरे रक्तपेढी सील करण्यात आली

अकोला (प्रती): मुर्तीजापुर तालुक्यातील हीरपूर येथील एका आठ महिन्याच्या चिमुकलीला उपचारार्थ शहरातील एका खाजगी रुग्णालयात दाखल करण्यात आले होते डॉक्टरांनी पांढऱ्या पेशी कमी असल्याचे सांगून अकोल्यातील बी.पी ठाकरे रक्तपेढीतून रक्त मागविण्यात आले परंतु ते रक्त एचआईव्ही पॉजिटिव व्यक्तिचे असल्याने आठ वर्षाच्या निष्पाप बालिकेला ही एचआयव्ही संक्रमित व्हावे लागले आहे तिच्या वर उपचार सुरू असताना बि.पी.ठाकरे रक्तपेढीतून संकलित केलेले रक्त देण्यात आले.

परंतु तिच्या पेशी वाढत नव्हत्या त्यामुळे तिला अमरावती येथील रुग्णालयात हलविले येथील डॉक्टरांना एचआयव्ही असल्याचा संशय आल्याने बालिकेची तपासणी करण्यास सांगितले तपासणीअंती तीचा अहवाल पॉझिटिव आला बीपी ठाकरे या रक्तपेढी मधुन रक्त देण्यात आले होते रक्तपेढी कर्मचाऱ्यांच्या हलगर्जीपणामुळे व पैशाच्या हव्यासापोटी एका निष्पाप मुलीचा जीव धोक्यात आला आहे त्यामुळे जिल्हाधिकारी, आरोग्य अधिकारी यांनी पुढाकार घेऊन संबंधित रक्तपेढी ही सील करण्यात यावी अशी मागणी सामाजिक कार्यकर्ते व जिल्हा उपाध्यक्ष रुग्णसेवक श्रमिक व कामगार संघटना अकोला उमेश सुरेशराव इंगळे यांनी प्रसिद्धीस दिलेल्या पत्रकाद्वारे केली होती.

या मागणीची दखल घेत आज  जिल्‍हाधिकारी यांनी वरील प्रमाणे झालेला प्रकार पुनश्‍च होउ नये या दृष्‍टीने उक्‍त प्रकरणामध्‍ये पुढील कार्यवाही होईपर्यंत बी. पी. ठाकरे मेमोरीयल रक्‍तपेढी, रामनगर, अकोला या प्रतिष्‍ठानाला तात्‍काळ सीलबंद करण्‍याकरिता आदेश निर्गमीत केले असल्‍याने आज मनपा आयुक्‍त नीमा अरोरा यांच्‍या आदेशान्‍वये श्री बी.पी. ठाकरे मेमोरीयल रक्‍तपेढी या प्रतिष्‍ठानावर सील लावण्‍याची कारवाई करण्‍यात आली.