शुभम तिडके यांच्या मागणीला यश

प्रसिद्धीपत्रक काढताच बाळापुर नगर नगरपालिका ने केली सफाई

अकोला(प्रती): बाळापूर शहरात चौकाचौकात व सार्वजनिक ठिकाणी,बस स्थानक परिसरात मुख्य प्रवेशद्वाराच्या समोर मोठ्या प्रमाणात कचऱ्याचे ढीग,घाणीचे साम्राज्य निर्माण झाले होते, या कचऱ्यामुळे पावसाळ्यात रोगराईला आमंत्रण आहे. हा कचरा हवेमुळे लोकांच्या घरात दुकानात येत आहे या कचऱ्याला घाण वास सुटलेला आहे.

बाळापुर शहरात रस्त्यावरून ये-जा करणार्‍या नागरिकांना याचा त्रास सहन करावा लागत आहे या ठिकाणी जमा झालेल्या कच-यामुळे शहराचे विद्रुपीकरण होत आहे हा कचरा जनावरे खातात प्लास्टिक त्यांच्या पोटात जाते व जनावरे मृत्युमुखी पडत आहेत अशाप्रकारे अशोका फाउंडेशनचे संस्थापक अध्यक्ष शुभम पंजाबराव तिडके यांनी बाळापूर नगरपालिका मुख्याधिकारी यांना काही दिवसा अगोदर निवेदन देऊन ह्या कचऱ्याचे ढीग साफ करण्याची मागणी केली होती, व नंतर प्रसिद्धीपत्रक काढताच झोपी गेलेली नगरपालिका जागी झाली व त्यांनी अशोका फाउंडेशनचे संस्थापक अध्यक्ष शुभम पंजाबराव तिडके यांच्या मागणीची दखल घेऊन तात्काळ कर्मचाऱ्यांच्या व जेसीबी च्या साह्याने चौकाचौकात जमा झालेला कचरा साफ केला.

अशोका फाऊंडेशनचे संस्थापक अध्यक्ष शुभम पंजाबराव तिडके यांच्या मागणीला यश आले असून बाळापुर शहरातील नागरिकांनी त्यांचे आभार व्यक्त केले आहेत