गुरुकुल कॉन्व्हेंट, मुकुटबन च्या विद्यार्थ्यांचे नवोदय परीक्षेत देदीप्यमान सुयश..!

अथर्व बहाडे व प्रिन्स बट्टावर यांनी झाली नवोदय परीक्षेत निवड..!

यवतमाळ (जिल्हा-प्रतिनिधी): जवाहर नवोदय विद्यालय निवड समिती अंतर्गत माहे ऑगस्ट 2021 मध्ये  घेण्यात आलेल्या जवाहर नवोदय विद्यालय निवड परीक्षेत  गुरुकुल शाळेच्या 2 विद्यार्थ्यांनी देदीप्यमान यशाला गवसणी घालून शाळेच्या प्रगतीत आणखी एक यशाचा तुरा रोवला.  गुरुकुल कॉन्व्हेंट,मुकुटबन ता झरी जामनी जि यवतमाळ येथील एकूण 2 विद्यार्थी नवोदय परीक्षेत उत्तीर्ण होऊन त्यांची नावे नवोदय च्या प्रॉव्हिजनल यादी मध्ये आली आहेत. यामध्ये अथर्व देवेंद्र बहाडे वर्ग 5 वा व प्रिन्स नरसिमलू  बट्टावर वर्ग 5 वा चा समावेश आहे. या विद्यार्थ्यांनी जिद्द, चिकाटी, मेहनत आणि शिक्षकांचे उल्लेखनीय मार्गदर्शन यामुळे हे यश संपादन केले.

या अगोदर ही प्रत्येक वर्षी या शाळेचे अनेक विद्यार्थी बोर्डाच्या गुणवत्ता यादीत , शिष्यवृत्ती पात्रता यादीत आणि शासनाने घेतलेल्या विविध परीक्षांमध्ये झळकले ही एक वैशिष्ट्य पूर्ण बाब आहे. विद्यार्थ्यांना त्यांच्या या यशासाठी शाळेच्या सर्व शिक्षकांचे योग्य मार्गदर्शन लाभले. विध्यार्थ्यांनी आपल्या यशाचे श्रेय शाळेचे मुख्याध्यापक श्री सुभाष गजभिये  सर, सर्व शिक्षकवृंद, आई वडील व शाळेच्या व्यवस्थापणाला दिले. शाळेच्या तसेच संस्थेच्या वतीने मुख्याध्यापक श्री गजभिये सर यांनी विध्यार्थ्यांचे अभिनंदन केले