कोरपन्यात सशक्त विरोधक ।। अबब हतबल सत्ताधारी ।। "सर्वत्र परिवर्तनाचीच चर्चा".

मारोती डोंगे (कोरपना प्रतिनिधी):  राज्यातील नगरपंचायतीच्या निवडणूकीच्या निवडणुका पार पडल्या असताना आता राजकीय नेत्यांना सत्तेवर कोण बसेल ? या चिंतेने व्याकुळ झाले आहे. ओबीसीच्या राजकीय आरक्षणाला सुप्रीम कोर्टाकडून स्थगिती मिळाल्यानंतर त्या जागा आता सर्वसाधारण म्हणून आरक्षित झाल्या आहे. या सर्व जागांसाठी पुन्हा नव्याने निवडणुका होऊ घातल्या आहे.  त्यातही काही नगरपंचायती रोमांचक स्थितीमध्ये आहे. अशीच काहीशी रोमांचक स्थिती कोरपना नगरपंचायत निवडणुकीत बघायला मिळत आहे. या सर्वामध्ये मात्र सत्ताधारी आधी झालेल्या १४ प्रभागामध्ये आपलाच विजय अशा चर्चा रंगवल्या जात आहे. वास्तविकता तर काही वेगळीच बघायला मिळत आहे.

गेल्या अनेक वर्षापासून सत्ताधारी गट कोरपना शहरात आधी ग्रामपंचायत आणि गेल्या पंचवार्षिकी पासून नगरपंचायतीमध्ये सत्ता उपभोगत आहे. दरवेळी विरोधक एकत्र यायचे, पण सत्ताधारी गटाकडून काही गोष्टी पसरवून विरोधकात एकमत होण्यास बाधा टाकत व आपली सत्ता कायम राखत. परंतु या निवडणुकीमध्ये मात्र युवाशक्तीचा निर्धार, विरोधकांचा विश्वास आणि जनतेकडून मिळालेली साथ या सगळ्यांची मोट बांधून एकत्र निवडणूक लढवली. विरोधक एकवटले ते फक्त सत्तेसाठी अशा भ्रामक पद्धतीच्या चर्चा रंगवून सत्ताधारी गट अफवा पसरवत आहे. या सर्वामधून तर सत्ताधारी गटाचे कलंकित राजवट आणि केंद्रीकृत झालेल्या सत्तेचा अहंकार दिसून येत आहे. वास्तविक पाहता अविरत मिळालेल्या सत्तेचा अहंकार हा कशाच्या आणि कुणाच्या भरवश्यावर? तो तर मतदारानी बजवलेल्या हक्कामुळे आणि दिलेल्या साथीमुळे. दरवेळी ज्या विचारांना मतदारानी साथ दिली, तीच साथ यंदा मात्र विरोधकांच्या परिवर्तनला मिळाली आहे. सत्ताधारी गट प्रचारसभेमध्ये विरोधकांना खिचडी म्हणताना ते स्वतः मात्र राज्यात मागच्या दरवाज्याने निर्माण केलेल्या आघाडीला स्पेशल विसरून गेले. निवडणूक प्रचारा दरम्यान विरोधकांवर भ्याड हल्ले करण्यातूनच सत्ताधाऱ्यांची पराभूत मनोवृत्ती दिसून येत आहे.

ज्या विकासकामांच्या भरवश्यावर निवडणूक लढवत आहे. त्याच विकास कामाचापुरता बोजवारा वाजला आहे. अत्यंत निकृष्ट दर्जाचे बांधकाम आणि रस्त्याला मधोमधून गेलेल्या तडा यांसर्वावर पांघरुन घालून प्रभाग क्र 1, 2 आणि 17 या सर्वांमध्ये निवडणुकीत सत्ताधारी आपली बाजू सावरणार की आधीच्या प्रभागाप्रमाणे पण पराभूत मानसिकतेतून निवडणुका लढविणार हे आता येणारा काळच ठरवेल..

नाराज नेत्यांची अप्रत्यक्षरित्या परिवर्तनाला साथ?

आजुबाजुच्या गावातील नागरिकांमध्ये कोरपना नगरपंचायत सत्ताधारी आणि विरोधक यांच्यामधील रंगतीमुळे निवडणुकीवर जोरदार चर्चा घडून येत आहे. सगळीकडे विरोधकांच्या परिवर्तन पॅनलचाच बोलबाला दिसून येत आहे. विरोधकांवर पराभूत मानासिकतेतून केलेला हल्ला निवडणूकीमध्ये केलेला अपप्रचार यासर्वांमुळे सत्ताधाऱ्यांचीच काही नेते मंडळी व्ययक्तिकरित्या नाराज झाले आहे. या नाराजी मधूनच ते अप्रत्यक्षरित्या परिवर्तनला साथ देत आहे, अशा चर्चामुळे ऐन कडाक्याच्या थंडी मध्ये कोरपना शहरात वातावरण मात्र तापायला लागले.