तिलक नगर मार्गांवरील कोळशाच्या जडवाहनांची वाहतूक बंद करा..!

वार्ड वासियांची निवेदनातून मागणी

घुग्गुस (प्रतिनिधी):    घुग्घुस येथील तिलक नगर वार्डाच्या मार्गांने होणारी कोळशाच्या जडवाहनांची वाहतूक तात्काळ बंद करण्याची मागणी वार्ड वासियांनी स्टेशन येथे दिलेल्या निवेदनातून केली आहे.  मागील काही दिवसापासून घुग्घुस शहराच्या तिलक नगर वार्डाच्या रस्त्यावरील मार्गाने वेकोलीच्या कोळशाच्या जडवाहनांची वाहतूक सुरु झाली.

घुग्घुस शहराच्या टोकावर वसलेले तिलक नगर वार्ड हे मोठया लोकवस्तीचा वार्ड आहे. या रस्त्यावरून शालेय विद्यार्थी, दुचाकी धारक, पायदळ जाणारे महिला व पुरुष ये-जा घुग्घुसकडे करतात.   या रस्त्यावर कोळशाच्या जड वाहतुकीचे प्रमाण वाढल्याने रस्त्यावर मोठया अपघाताची शक्यता निर्माण झाली आहे तसेच धुळीच्या प्रदूषणात वाढ झाली आहे. दिवस रात्र कोळशाच्या जड वाहनांची वाहतूक सुरु असल्याने येथील वार्ड वासिय त्रस्त झाले असून त्यांना याचा नाहक त्रास सहन करावा लागत आहे.

ही होणारी कोळशाच्या जड वाहनांची वाहतूक तात्काळ बंद करण्याची मागणी वार्ड वासियांनी निवेदनातून केली आहे. जडवाहतूक तात्काळ बंद न केल्यास तीव्र आंदोलन करण्याचा इशारा वार्ड वासियांनी दिला आहे. निवेदन देतांना विनोद जंजर्ला, महेश सरोज, रवी गोरे, रामकरण चौधरी, अजय मल्लारप, अभिलाष महाकाली, नितीन कनकम, राहुल कामपेल्ली, मनोज मल्लारप, राजू बोड्डी उपस्थित होते.